76719 | حج کے احکام ومسائل | حج کے جدید اور متفرق مسائل |
سوال
کیا فرماتے ہیں مفتیان کرام اس مسئلہ کے بارے میں کہ اگر کوئی شخص غریب ہو، اور وہ کسی سے قرضہ لے کر حج پر چلا جائے، پھر بعد میں وہ شخص مال دار ہوجائے، تو کیا مالدار ہونے کے بعد اس پر دوبارہ حج ادا کرنا ضروری ہے؟
اَلجَوَابْ بِاسْمِ مُلْہِمِ الصَّوَابْ
اگر کوئی شخص غریب ہو، اور وہ قرضہ لے کر حج ادا کرلے، تو اس کا فرض حج ادا ہوجائے گا، بعد میں مالدار ہونے کی صورت میں اس پر حج کے لیے دوبارہ جانا فرض نہ ہوگا۔
حوالہ جات
في مجمع الأنھر:
ولو حج الفقير ثم استغنى لم يحج ثانيا، لأن شرط الوجوب التمكن من الوصول إلى موضع الأداء. ألا ترى أن المال لا يشترط في حق المكي. ( 1/260)
و في رد المحتار :
أن الفقير الآفاقي إذا وصل إلى ميقات فهو كالمكي، في أنه إن قدر على المشي لزمه الحج، ولا ينوي النفل على زعم أنه فقير، لأنه ما كان واجبا عليه وهو آفاقي، فلما صار كالمكي وجب عليه. (2/604)
عبدالعظیم
دارالافتاء، جامعۃالرشید ،کراچی
05/شعبان 1443 ھ
واللہ سبحانہ وتعالی اعلم
مجیب | عبدالعظیم بن راحب خشک | مفتیان | فیصل احمد صاحب / شہبازعلی صاحب |