سوال

داداعورتوں کی میراث غصب کرتے ہیں، ان کے انتقال کے بعد یہ مغصوبہ مال ان کے ورثہ کے لئے کیساہے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ والدین کے انتقال کےبعد ان کے ترکے میں جس طرح ان کی نرینہ اولاد کا حق ہوتا ہے اسی طرح بیٹیوں کا بھی اس میں شرعی حق ہوتا ہے، والدین کے انتقال کے بعد ان کے ترکے پرمردوں کا  خود قبضہ کرلینا اور عورتوں کو  ان کے شرعی حصے سے محروم کرنا ناجائز اور سخت گناہ ہے، مردوں  پر لازم ہے  کہ عورتوں کو ان کا حق اس دنیا میں دے دیں، ورنہ آخرت میں دینا پڑے گا اور آخرت میں دینا آسان نہیں ہوگا، اور جب تک داداعورتوں کو ان کا حق نہیں دیں گے اس وقت تک یہ حق ان کے ذمہ لازم رہے گا۔لہذایہ مال جودادانے غصب کررکھاہےیہ ان عورتوں ہی کی ملکیت ہےاور اسے داداکی میراث میں تقسیم کرناجائزنہیں۔

مشكاة المصابيح، 1/254

عن سعيد بن زيد قال: قال رسول الله صلى الله عليه وسلم: «من أخذ شبراً من الأرض ظلما؛ فإنه يطوقه يوم القيامة من سبع أرضين». (مشكاة المصابيح، 1/254، باب الغصب والعاریة،ط:قدیمی)

مشكاة المصابيح، 1/266

وعن أنس قال: قال رسول الله صلى الله عليه وسلم: «من قطع ميراث وارثه قطع الله ميراثه من الجنة يوم القيامة» . رواه ابن ماجه.

تکملۃ رد المحتار علی الدر المختار  7/ 505

 الإرث جبري لَايسْقط بالإسقاط. 

الأشباہ والنظائر لابن نجیم  ص؛309

   "لوقال الوارِث: تركت حقي لم يبطل حقه؛ إذالْمِلك لا يبطل بِالترك".