سوال

ایک آدمی امانت رکھتاہے اور کہتاہے کہ یہ میری امانت ہے،جب مجھے ضرورت پڑے گی تو واپس کرنی پڑے گی،لیکن اسی دوران وہ ہنڈی کاآرڈر لگاتا ہے،اور کہتاہے کہ میری امانت سے کاٹنا ،بعد میں ،میں دیدوں گا ،یہ صورت کیسی ہے؟

بسااوقات یہ نہیں بتاتا کہ امانت سے رقم کاٹنی ہے ،ہنڈی کا آرڈر لگاتاہے ،بعد میں حساب کے وقت امانت سے

کاٹنی پڑتی ہے یا نقد رقم کی ادائیگی کی جاتی ہے۔

اَلجَوَابْ بِاسْمِ مُلْہِمِ الصَّوَابْ

فوری طور پر امانت سے ادائیگی درست ہے،اسی طرح اگر ادائیگی کی تصریح نہ ہوتو امانت سے خود بخود ادائیگی ہوجائے گی،البتہ اگر یہ تصریح ہو کہ ابھی امانت سے ادائیگی نہیں ہوگی،پھر بعد میں امانت یا نقد سے ادائیگی کی جائے۔تو یہ صورت درست نہیں ۔