سوال

سوال:السلام علیکم ورحمۃ اللہ وبرکاتہ !

کیافرماتےہین مفتیان کرام اس مسئلےکےبارےمیں کہ ہم کل پانچ بھائی اورپانچ بہنیں ہیں،ہماری زمین ساڑھے چار بھگےہے،ہمارابڑابھائی والدین سےپہلےفوت ہوچکاہے،ہمارےبھتیجوں نےکہا،ہمارامکان تنگ ہے،ہم مکان بناتےہیں،ہم ہمدردی کی بناء پر سب فریقوں کی رضامندی سےان کوایک کنال زمین دی ہے،جس میں انہوں نےمکان بنایاہے،اب ہم نےوراثت تقسیم کرنی ہے،سب بھائی اوربہنوں نےکہاہماراجوحصہ بنتاہےوہ ہمیں دیں،کچھ فریقوں نےکہا وراثت میں اس بھائی کاحصہ نہیں بنتا،اب بقایازمین چاربھائیوں اورپانچ بہنوں میں تقسیم کیسےہوگی ؟

تنقیح:والدہ والد سےپہلےفوت ہوچکی ہیں۔

اَلجَوَابْ بِاسْمِ مُلْہِمِ الصَّوَابْ

والدکی وفات کےبعد چونکہ تمام ورثہ کی رضامندی سےبھتیجوں کوزمین ملکیتادی گئی ہےتووہ زمین بھتیجوں  کی  ذاتی ملکیت ہوگی ،تمام ورثہ راضی تھےا س لیےیہ وراثت میں شامل نہیں ہوگی،اس کوشرعایہ سمجھاجائےگاکہ تمام ورثہ کی طرف سےبھتیجوں کےلیےہدیہ اورتبرع  ہے۔

ایک کنال زمین کےعلاوہ دیگر زمین فی الوقت موجود ورثہ میں وراثت کےحصوں کےمطابق تقسیم ہوگی ۔

جتنی میراث ہواس کو 13حصوں میں تقسیم کیاجائےگا،ہربھائی کو دودوحصےملیں گےاو رہربہن کو ایک ایک حصہ ملےگا ۔

اگرفیصدی اعتبارسےتقسیم کیاجائےتوکل میراث میں سے ہربھائی کو15.3846فیصدحصہ ملےگااور ہربہن کو 7.6923فیصدحصہ ملےگا  ۔

قال اللہ تعالی فی سورۃ النساء:یوصیکم اللہ فی اولادکم للذکرمثل حظ الانثیین۔

" شرح المجلۃ" 1/473 :یملک الموھوب لہ الموھوب بالقبض ،فالقبض شرط لثبوت الملک ۔

"شرح المجلۃ"1 /462:

وتتم(الھبۃ)بالقبض الکامل لأنہامن التبرعات والتبرع لایتم الابالقبض الکامل ۔