سوال

کیافرماتے ہیں علماء کرام اس مسئلہ کے بارے میں کہ

میری ایک سوتیلی ماں ہے، اس کے پاس زیورہے جس کی زکوة ادا کرنےکےلیے اس نے اپنے شوہریعنی میرے والدکو رقم دی تاکہ وہ مستحقین کودیدے،میں مستحقِ زکوة تھا تومیرے والدنے وہ رقم مجھے دی اورکہاکہ قبول کرکے واپس والدہ کو دو،میں نے قبول کرکے واپس والدہ کو دی ،تو کیا میری سوتیلی والدہ کی زکوة ادا ہوگئی ہے یانہیں ؟

اَلجَوَابْ بِاسْمِ مُلْہِمِ الصَّوَابْ

والدہ کا اپنے حقیقی بیٹے زکوة دینا تو جائزنہیں ،مگرسوتیلی والدہ کا اپنے مستحق سوتیلےبیٹے کو زکوة دینا جائزہے ،لہذا مسئولہ صورت میں جب آپ  کےوالدنے جوکہ آپ کی والدہ کی طرف سے زکوة کی ادائیگی کے وکیل تھے آپ کو زکوة کی رقم دی اورآپ نے قبول کرکے پھراپنی سوتیلی والدہ کواپنی مرضی سے دی تو اس سے اس کی زکوة ادا ہوگئی ۔

وفی البدائع( 2/143):

ولا یدفع إلیٰ والدہ وإن علا ولاإلیٰ ولدہ وإن سفل ، لأنہ ینتفع بملکہ ،فکان الدفع إلیہ دفعاً إلیٰ نفسہ من وجہ ، فلا یقع تملیکا مطلقاً.

وفی الدر المختار وحاشية ابن عابدين (2/ 346):

ويجوز دفعها لزوجة أبيه وابنه وزوج ابنته تتارخانية.

وفی الفتاوى الهندية (1/ 189) :

ويجوز دفعها إلى من يملك أقل من النصاب، وإن كان صحيحا مكتسب.

الفتاوى البزازية (1/ 40):

 الوكيل بأداء الزكاة إذا صرفه إلى ولده الكبير أو الصغير أو امرأته وهم محاويج جاز ولا يمسك لنفسه شيئاً.