سوال

نمازکی اقامت کےوقت بعض لوگ ہاتھ باندھ لیتےہیں اوراس کوتعظیم سمجھتےہیں،ایساکرنادرست ہے؟

اَلجَوَابْ بِاسْمِ مُلْہِمِ الصَّوَابْ

اقامت کے دوران ہاتھ باندھنا اور اس کو تعظیم سمجھنا درست نہیں ہے، کیونکہ تکبیرتحریمہ سے قبل ہاتھ باندھنا کسی حدیث سے  ثابت نہیں، اسی لیے فتاوی رحیمیہ(93/4)میں ہے:"نماز شروع ہونے سے قبل قیام کی حالت میں ہاتھ باندھنا نہ مسنون ہے نہ مستحب" لہذا اقامت کے دوران اصل حکم یہ ہے کہ امت میں رائج طریقہ کے مطابق ہاتھوں کو کھلا چھوڑا جائے، تاکہ نماز سے پہلے نماز کی کیفیت کے ساتھ مشابہت لازم نہ آئے۔

تحفة الفقهاء (1/ 126) دار الكتب العلمية، بيروت:

فإذا فرغ المصلي من التكبير يضع يمينه على شماله تحت السرة.