سوال

کچھ سال پہلے حبیب بینک لیمیٹیڈ نے جوکہ ایک سودی بینک ہے اسلامک بینکنگ کی ونڈو شروع کی ہے ،جس میں کنوینشنل بینک کی طرح اکاؤنٹ کھولتے وقت اچھا اکاؤنٹ بیلنس رکھنے پر ڈیبٹ کارڈ دیا جاتا ہے،جس سے پوری دنیا کے ائیرپورٹ لاؤنج پر مفت ایکسیس اور ڈسکاؤنٹ وغیرہ ملتے ہیں،  بینک والے کا کہنا ہےکہ ہماری اسلامک ونڈو کا والٹ سودی کمرشل آپریشنز سے مختلف ہے  ،چونکہ اچھا بیلنس رکھنے پہ فیس بھی ویو (waive)ہوجاتی ہے، کیا یہ کارڈ لینا جائز ہے اور اس پر ملنے والے ڈسکاؤنٹ اورائیرپورٹ کے لاؤنج کا ایکسیس جائز ہے ؟

اَلجَوَابْ بِاسْمِ مُلْہِمِ الصَّوَابْ

ہماری  معلومات کے مطابق حبیب بینک لمیٹڈ کی اسلامک بینکنگ ونڈو کی سرپرستی مستند علماء  پر مشتمل شریعہ بورڈ کر رہا ہے ،  چنانچہ اس میں ہونے والے تمام معاملات شرعی  اصولوں کے مطابق ان مفتیان کرام  کی نگرانی میں ہوتے ہیں ، لہذا ان کے ڈیبٹ کارڈ سے حاصل ہونے والے ڈسکاؤنٹ اور دیگر سہولیات سے فائدہ اٹھانا جائز ہے۔

المبسوط لشمس الدين السرسخي (5/ 215):

وفى الشريعةالربا هو الفضل الخالى عن العوض المشروط في البيع لما بينا أنالبيع الحلال مقابلة مال متقوم بمال متقوم فالفضل الخالى عن العوضذا دخل في البيع كان ضد ما يقتضيه البيع ۔

الدر المختار وحاشية ابن عابدين (رد المحتار) (5/ 166):

[مطلب كل قرض جر نفعا حرام]

(قوله كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض، فعلى قول الكرخي لا بأس به۔