سوال

میں نے پڑھا تھا کہ اگر عورت کو احتلام ہو جائے اور ڈسچارج ہو جائے تو غسل اس وقت فرض ہوتاہے جب ڈسچارج سوراخ کی جو باہر والی سطح جو اندرونی ہونٹوں کے بالکل  بعد والی جگہ ہے جہاں تری رہتی ہے اس سے تجاوز کرکے باہر والے حصے جو ظاہری جگہ ہوتی ہے یعنی اندرونی ہونٹوں میں آ جائے،اگر ڈسچارج اندر ہی رہے یعنی سوراخ کی سطح پر اندرونی ہونٹوں کے اندر اندر، باہر کی طرف نہ آئے تو غسل فرض نہیں،کیا ایسا ہی ہے؟ اگر مجھے احتلام ہوجائے اور صبح اٹھنے پر ظاہری کچھ ڈسچارج نہ ہوتو کیا مجھے روئی سے یا انگلی سے اندر(سوراخ کے اندر نہیں سوراخ کی باہر کی سطح جو اندرونی ہونٹوں کے اندر ہوتی ہے) دیکھنا ہو گا ڈسچارج؟

یعنی اگر احتلام میں اگر منی سوراخ کی باہر کی سطح پر ہو اور باہر تک ظاہر نہ ہو تب غسل نہیں ہو گا؟ لیکن جیسے ہی منی اندرونی ہونٹوں میں ظاہر ہو گی تو غسل ہو گا؟

اَلجَوَابْ بِاسْمِ مُلْہِمِ الصَّوَابْ

فرج داخل(گول سوراخ) سے باہر منی نکلنے کی صورت  میں غسل فرض ہوتاہے،جب تک منی فرج داخل سے باہرنہ نکلے توغسل فرض نہیں ہوتا،لہذاصورت مسؤلہ میں انگلی وغیرہ داخل کرنے کی ضرورت نہیں،احتلام کی صورت میں اگرمنی گول سوراخ سے باہرآگئی ہے توغسل فرض ہوگا،بصورت دیگرغسل فرض نہیں۔

فی رد المحتار (ج 1 / ص 172):

قوله: (من العضو) هو ذكر الرجل وفرج المرأة الداخل احترازا عن خروجه من مقره ولم يخرج من العضو بأن بقي في قصبة الذكر أو الفرج الداخل، أمالو خرج من جرح في الخصية بعد انفصاله عن مقره بشهوة فالظاهر افتراض الغسل، وليراجع.