سوال

بعض اوقات چہرے پرچھوٹے چھوٹے دانے ہوتے ہیں اور پھر دانے پھوٹ جاتے ہیں تو کافی خون نکلتا ہے جو بہنے کے قابل ہوتا ہے، اس صورت میں بھی چہرے کو پاک کرنے کا طریقہ واضح کردیں، کیونکہ خون یا زخم دھونے سے ناپاک پانی داڑھی تک پہنچ جاتا ہے اور پھر داڑھی کیسے پاک کی جائے ؟

اَلجَوَابْ بِاسْمِ مُلْہِمِ الصَّوَابْ

چہرے پر نکلنے والے دانوں کے پھٹنے کا بھی یہی حکم ہے کہ جب دانے سے خون نکلنے کے بعد آپ نےوضو کے دوران چہرے کو تین مرتبہ دھو لیا تو وہ جگہ پاک ہو گئی، اسی طرح یہ ناپاک پانی جب داڑھی تک پہنچا اور اس کے بعد آپ نے داڑھی کو تین مرتبہ دھو لیا تو داڑھی بھی پاک ہو گئی، لہذا ایسی صورت میں بھی پڑھی گئی تمام نمازیں بھی درست شمار ہوں گے اور اس سلسلہ میں کسی وہم اور شک میں پڑھنے کی ضرورت نہیں۔

سنن أبي داود ت الأرنؤوط (1/ 128) الناشر: دار الرسالة العالمية:

حدثنا موسى بن إسماعيل، حدثنا حماد، أخبرنا سهيل بن أبي صالح، عن أبيه عن أبي هريرة، أن رسول الله - صلى الله عليه وسلم - قال: "إذا كان أحدكم في الصلاة فوجد حركة في دبره أحدث أو لم يحدث، فأشكل عليه، فلا ينصرف حتى يسمع صوتا أو يجد ريحا"

فتح القدير للكمال ابن الهمام (1/ 185) دار الفكر، بيروت:

في عينه رمد يسيل دمعها يؤمر بالوضوء لكل وقت لاحتمال كونه صديدا. وأقول: هذا التعليل يقتضي أنه أمر استحباب، فإن الشك والاحتمال في كونه ناقضا لا يوجب الحكم بالنقض إذا اليقين لا يزول بالشك والله أعلم. نعم إذا علم من طريق غلبة الظن بإخبار الأطباء أو علامات تغلب ظن المبتلى يجب.