سوال

میاں بیوی کے درمیان باہمی اختلاف ہوگیا،بیوی نے زہر کھانے کی کوشش بھی کی ،پھر صلح کی غرض سے خاندان کے کچھ افراد جمع ہوگئے،اس دوران خاوند نے کہا: "مجھے میری بیوی کسی بھی صورت نہیں چاہیے"،"اس کو اپنے گھر لے کر جاو"،اب بقول شوہر اس کی نیت طلاق کی تھی ، تو کیا ان الفاظ سے طلاق واقع ہوچکی ہے یا نہیں ؟

اَلجَوَابْ بِاسْمِ مُلْہِمِ الصَّوَابْ

پہلے جملے "مجھے میری بیوی کسی بھی صورت نہیں چاہیے" سے طلاق واقع نہیں ہوئی ہے،دوسرے جملے"اس کو اپنے گھر لے کر جاو"سے ایک طلاق بائن واقع ہوگئی ہے،بیوی نکاح سے نکل چکی ہے،عدت کے اندر یا عدت کے بعد باہمی رضامندی سے نئے مہر کے ساتھ دوبارہ نکاح کرسکتے ہیں ۔

وفی الفتاوى الهندية  (8 / 323):

"إذا قال: لاأريدك أو لاأحبك أو لاأشتهيك أو لا رغبة لي فيك؛ فإنه لايقع وإن نوى في قول أبي حنيفة -رحمه الله تعالى-، كذا في البحر الرائق".

وفی البدائع  (3 / 187):

"فالحكم الأصلي لما دون الثلاث من الواحدة البائنة، والثنتين البائنتين هو نقصان عدد الطلاق، وزوال الملك أيضا حتى لا يحل له وطؤها إلا بنكاح جديد"