سوال

میری والدہ(نورجہاں بیگم)کامکان ہے،جن کاانتقال2006میں ہوگیاتھا،میرے والد(لیاقت اللہ خان) کاانتقال1981میں ہوا،ہم دوبھائی اورپانچ بہنیں ہیں،جن میں سے ایک بھائی اوردوبہنوں کاانتقال ہوگیاہے،اس کی مزیدتفصیل درج ذیل ہے:

1. میرے بڑے بھائی ظفرسعیدکاانتقال2013 میں ہوا،اس کے ورثہ میں بیوہ،بیٹااوردوبیٹیاں ہیں

2.بڑی بہن ناہیدستارکاانتقال2014میں ہوا،اس کے ورثہ میں شوہر،بیٹااورایک بیٹی ہیں۔

3.میری چھوٹی بہن جس کاانتقال2014 میں ہوا،اس کی کوئی اولاد نہیں،صرف شوہرہے اورانہوں نے دوسری شادی کرلی ہے،اس کاشوہراپناحصہ لینےسے منع کررہاہے۔

4.باقی نازشاہد،تسنیم یونس،بدرسعید اورنوشین خورشیدحیات ہیں۔

مکان کی موجودہ قیمت ایک کروڑ چھ لاکھ چھیانوے ہزارایک سواکیاسی روپے ہے،اس مکان کی تقسیم کیسے ہوگی؟

مرحوم ظفرسعید اورمرحومہ ناہیدستار کے ترکہ کی تقسیم بھی مطلوب ہے۔

اَلجَوَابْ بِاسْمِ مُلْہِمِ الصَّوَابْ

والدہ کے انتقال کے وقت مرحومہ کے  سب بیٹے اوربیٹیاں(دوبیٹے اورپانچ بیٹیاں) زندہ تھے،اس لئے اس مکان میں سب کاشرعی حصہ ہے،جس بیٹے اوردوبیٹیوں کاانتقال ہوچکاہے ان کاحصہ ان کے ترکہ میں شامل کرکے ان کے ورثہ میں تقسیم ہوگا۔

ترکہ تقسیم کرنے کاطریقہ یہ ہے کہ سب سے پہلے دیکھیں اگر  مرحومہ کے ذمہ کسی کےقرض کی ادائیگی باقی ہوتواس کواداکریں، اس کے بعددیکھیں اگرمرحومہ نے کسی غیروارث کے حق میں کوئی جائز وصیت کی ہوتو بقیہ مال میں سے ایک تہائی کی حدتک اس پرعمل کریں، اگرمرحومہ کے ذمہ نہ توکسی کاقرض ہے اورنہ ہی وصیت کی ہے تواس صورت میں یہ ساری نقدی ورثہ میں تقسیم ہوگی،حصوں کی تفصیل درج ذیل ہے:

ورثہ کی تفصیل	عددی حصہ	10696181ترکہ	مجموعہ
بیٹا	2/9	2376929	2376929
بیٹا	2/9	2376929	4753858
بیٹی	1/9	1188464.5	5942322.5
بیٹی	1/9	1188464.5	7130787
بیٹی	1/9	1188464.5	8319251.5
بیٹی	1/9	1188464.5	9507716
بیٹی	1/9	1188464.5	10696181

      

 

 

 

 

 

 

 

 

 

 

 

نوٹ:مرحوم بیٹے(ظفر)کے حصہ میں آنے والی رقم(2376929) کی تقسیم درج ذیل ہے:

سب سے پہلے دیکھیں اگر  مرحوم(ظفر) کے ذمہ کسی کےقرض کی ادائیگی باقی ہوتواس کواداکریں، اس کے بعددیکھیں اگرمرحوم نے کسی غیروارث کے حق میں کوئی جائز وصیت کی ہوتو بقیہ مال میں سے ایک تہائی کی حدتک اس پرعمل کریں، اگرمرحوم کے ذمہ نہ توکسی کاقرض ہے اورنہ ہی وصیت کی ہے اورترکہ میں صرف یہی رقم ہے تواس  رقم کی تقسیم اورحصوں کی تفصیل درج ذیل ہے:

ورثہ کی تفصیل	عددی حصہ	2376929ترکہ	مجموعہ
بیوہ	4/32	297116.125	297116.125
بیٹا	14/32	1039906.437	1337022
بیٹی	7/32	519953.218	1856975.78
بیٹی	7/32	519953.218	2376929

 

 

 

 

 

 

 

 

مرحومہ ناہید کے حصہ میں  آنے والی رقم1188464.5 کی تقسیم درج ذیل ہے:

مرحومہ ناہیدکےذمہ اگرکسی کاقرض ہے تواس کواداکریں، اس کے بعددیکھیں اگرمرحومہ نے کسی غیروارث کے حق میں کوئی جائز وصیت کی ہوتو بقیہ مال میں سے ایک تہائی کی حدتک اس پرعمل کریں، اگرمرحومہ کے ذمہ نہ توکسی کاقرض ہے اورنہ ہی وصیت کی ہے اورترکہ میں صرف یہی رقم ہے تواس  رقم کی تقسیم اورحصوں کی تفصیل درج ذیل ہے:

ورثہ کی تفصیل	عددی حصہ	1188464ترکہ	مجموعہ
شوہر	1/4	297116.25	297116.25
بیٹا	2/4	594232.5	891348.75
بیٹی	1/4	297116.25	1188465

 

۔۔۔