سوال

بیوی کی طرف سے طلاق کا مطالبہ کیا گیا ہے،شوہر کہتا ہے کہ 750,000 روپے دو تو طلاق دوں گا،شوہر کا مذکورہ رقم کا مطالبہ کس حد تک درست ہے ؟

اَلجَوَابْ بِاسْمِ مُلْہِمِ الصَّوَابْ

مذکورہ صورت میں اصولی جواب یہ ہے کہ اگر میاں بیوی کے درمیان اختلافات و ناچاقی کا سبب یعنی قصوروار شوہر ہو تو ایسی صورت میں دیانتاًطلاق یاخلع کے عوض میں شوہر کے لیے کچھ بھی لیناجائز نہیں، تاہم اگر وہ پھر بھی لے لیتا ہے تو اس پر اس کی ملکیت ثابت ہوجائے گی، اور اگر نا چاقی و اختلاف کا سبب یعنی قصوروار بیوی ہو تو ایسی صورت میں شوہر کے لیے مہر کے طور پر دیے گئے مال سے زیادہ وصول کرنا مکروہ ہے،البتہ اگر اضافی کچھ لیا تو قضاءً جائز ہوگا،لہٰذا اگرسات لاکھ پچاس ہزار روپے مہر کے طور پر شوہر نے دیے تھے اور نا چاقی و اختلاف کا سبب یعنی قصوروار بیوی ہے تو ایسی صورت میں شوہر کے لیے مذکورہ رقم کا مطالبہ بغیر کسی کراہت کے درست ہے لیکن اگر یہ رقم ،ادا کیے گئےمہر سے زیادہ ہے یا نا چاقی و اختلاف کا سبب یعنی قصوروار بیوی  نہیں ہے بلکہ شوہر ہے تو مذکورہ رقم کامطالبہ مکروہ تنزیہی ہے۔

الفتاوى الهندية (1/ 488)

إذا تشاق الزوجان وخافا أن لا يقيما حدود الله فلا بأس بأن تفتدي نفسها منه بمال يخلعها به فإذا فعلا ذلك وقعت تطليقة بائنة ولزمها المال كذا في الهداية.إن كان النشوز من قبل الزوج فلا يحل له أخذ شيء من العوض على الخلع وهذا حكم الديانة فإن أخذ جاز ذلك في الحكم ولزم حتى لا تملك استرداده كذا في البدائع.وإن كان النشوز من قبلها كرهنا له أن يأخذ أكثر مما أعطاها من المهر ولكن مع هذا يجوز أخذ الزيادة في القضاء كذا في غاية البيان.