سوال

زیدکی بہن ساجدہ( فرضی نام) نے فاطمہ کا دو دھ پیا اور بکر نے زینب کا دودھ پیا ،زید کی  والدہ زینب ہےاور بکر کی  والدہ فاطمہ ہے، یہ دونوں آپس میں رضا عی بہن بھائی بن گئے ۔ یہ دونوں بچپن میں فوت ہوگئے، اب اس کے اور بہن بھائیوں کا آپس  میں نکاح ہو سکتا ہے یا نہیں؟ خواہ  فوت شدہ بہن بھائیوں سے عمرمیں چھوٹے ہوں  یا بڑے۔

اَلجَوَابْ بِاسْمِ مُلْہِمِ الصَّوَابْ

صورت مسئولہ میں  ساجدہ کےدیگربہن بھائی فاطمہ کی اولاد سےشادی کرسکتےہیں،کوئی حرج نہیں ۔

اسی طرح بکرکےدیگربہن بھائی زینب کی اولادسےشادی کرسکتےہیں ۔

بہن بھائی خواہ چھوٹےہوں یابڑے،اس سےمذکورہ حکم میں کوئی فرق نہیں پڑےگا۔

"رد المحتار " 10 / 389:

( وتحل أخت أخيه رضاعا ) يصح اتصاله بالمضاف كأن يكون له أخ نسبي له أخت رضاعية ، وبالمضاف إليه كأن يكون لأخيه رضاعا أخت نسبا

"الهداية " 1 /  217:

ويجوز أن يتزوج الرجل بأخت أخيه من الرضاع۔