سوال

کیا فرماتے ہیں مفتیان کرام اس مسئلہ کے بارے میں کہ کیا روزے کی حالت میں خون کا عطیہ کیا جا سکتا ہے؟ اس سے روزہ ٹوٹ تو نہیں جاتا؟

اَلجَوَابْ بِاسْمِ مُلْہِمِ الصَّوَابْ

روزے کی حالت میں بوقت ضرورت کسی مریض کوخون دینا جائز ہے، اس سے روزہ نہیں ٹوٹتا۔ البتہ اتنا خون دینا مکروہ ہے کہ جس سے روزے دار کو کمزوری  لاحق ہو جائے۔نیز اگر کسی کوخون دینے کی شدید ضرورت نہ ہو تو افطاری کے بعد دینا بہتر ہے۔

وفی الفتای الہندیۃ :ولا بأس بالحجامة إن أمن على نفسه الضعف، أما إذا خاف فإنه يكره وينبغي له أن يؤخر إلى وقت الغروب.

( الفتای الہندیۃ: 1/199)