سوال

اقبال احمد ولد عاشق حسین، اپنے پورے ہوش و حواس، سالم دماغ اور مکمل اختیار کے ساتھ، بغیر کسی نشے، دباؤ یا زبردستی کے یہ تحریر لکھ کر دیتا ہے کہ:میری بیوی شبینہ بنت عبدالغفور چانڈیو، جو کہ میرے نکاحِ شرعی میں ہے، اُسے میں اپنے پورے ہوش و حواس کے ساتھ، سنجیدہ ارادے سے، طلاق، طلاق، طلاق دیتا ہوں۔دریافت طلب امر یہ ہے کہ آیا مذکورہ الفاظ سے طلاق واقع ہوئی یا نہیں؟ اور اگر واقع ہوئی ہے تو کتنی طلاقیں واقع ہوئیں؟

اَلجَوَابْ بِاسْمِ مُلْہِمِ الصَّوَابْ

صورتِ مسئولہ میں شوہر نے اپنی بیوی کو تین مرتبہ صریح الفاظ "طلاق، طلاق، طلاق" کے ساتھ طلاق دی ہے، لہٰذا شریعتِ مطہرہ کے مطابق مذکورہ عورت پر تینوں طلاقیں واقع ہو چکی ہیں۔ اس کے نتیجے میں نکاح ختم ہو گیا ہے اور بیوی اپنے شوہر پر حرمتِ مغلظہ کے ساتھ ہمیشہ کے لیے حرام ہو گئی ہے۔ اب نہ رجوع جائز ہے اور نہ ہی تجدیدِ نکاح کا کوئی راستہ باقی ہے۔عورت عدت (اگر حاملہ نہ ہو تو تین حیض، اور اگر حاملہ ہو تو وضعِ حمل تک) گزارنے کے بعد دوسری جگہ نکاح کر سکتی ہے۔

الفتاوی الھندیۃ : 473/1)

وإن کان الطلاق ثلاثاً في الحرة وثنتین في الأمة لم تحل له حتی تنکح زوجًا غیره نکاحًا صحیحًا ویدخل بها، ثم یطلقها أو یموت عنها.