سوال

میری اہلیہ کے پاس  اتنا سونا اور چاندی موجود ہے، جس کی وجہ سے وہ صاحبِ نصاب بنتی ہے ۔اہلیہ کو جہیز کے اندر کافی سارا سامان ملا ہے ،  فریج مشینری وغیرہ جو کہ بند پڑا ہے، اور بوقتِ ضرورت مستقبل میں استعمال کیا جائے گا۔ کیازکٰوۃ کا حساب کرتے وقت مذکورہ ضرورت سے زائد سامان کا حساب زکٰوۃ کے لیے کیا جائے گا؟

اَلجَوَابْ بِاسْمِ مُلْہِمِ الصَّوَابْ

 اموال ِ زکوٰ ۃ صرف چار ہیں :1۔ سونا، 2۔ چاندی، 3۔ نقدی، 4۔ مال تجارت ۔ زکوٰۃ کا حساب کرتے وقت انہی اموال کا حساب کیا جاتا ہے ۔لہٰذا صورت مسئولہ میں مذکورہ بالاضرورت سے زائد سامان کا  زکٰوۃ  کے لئے حساب  نہیں کیا جائے گا ۔

( الدر المختار مع رد المحتار :۲۶۵/۲، کتاب الزکاة، ط: دار الفکر، بیروت ):

(ولا فی ثیاب البدن) لمحتاج إلیہا لدفع الحر والبرد ابن ملک (وأثاث المنزل ودور السکنی ونحوہا) وکذا الکتب وإن لم تکن لأہلہا إذا لم تنو للتجارة۔