سوال

اگر کلائنٹ کی سخت ڈیمانڈ اور کاروباری مجبوری کی وجہ سے ہمیں ویڈیو میں میوزک شامل کرنا پڑے، اور اس کے بغیر معاہدہ یا کام ممکن نہ ہو، تو کیا ایسی صورتِ حال میں کوئی شرعی گنجائش موجود ہے؟

اَلجَوَابْ بِاسْمِ مُلْہِمِ الصَّوَابْ

واضح رہے کہ  موسیقی، گانا بجانا اور سننا  شریعت میں گناہ اور   حرام ہے اور  گناہ جس طرح خود کرنا  منع ہے، اسی طرح کسی اور کے  لیے گناہ کا ذریعہ اور آلہ کار  بننا  یا گناہ میں کسی قسم کی معاونت  کرنابھی گناہ ہے ۔  لہٰذا مذکورہ صوورت میں آپ کیلئے ویڈیو کے بیک گراؤنڈ میں میوزک شامل کرنے کی شرعاً گنجائش نہیں۔

القرآن الکریم (05/02):

{وتعاونوا على البر والتقوى ولا ‌تعاونوا على الإثم والعدوان} .

القرآن الکریم(31/06):

ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين.

الدر المختار شرح تنوير الأبصار وجامع البحار (ص664):

‌لا ‌طاعة ‌لمخلوق في معصية الخالق.