سوال

میں گھرسے کافی دورتھی اورمیرے منگیترنے مجھے کال پرکہا کہ اگر1:00 تک تم گھرنہ پہنچی اورایک بجے کے بعد تمہاراایک پاؤں بھی گھر سے باہر ہوا توتمہیں ہمیشہ کے لیے طلاق ہوجائے گی،جب بھی میرا تم سے نکاح ہوجائے،میں پانچ سے چھ گھنٹوں کا سفر طےکرکے گھر پہنچی،میں جب گھرکے دروازے  پر پہنچی اور اندرداخل ہو رہی تھی تواس وقت 1:00بج رہاتھا ، میرے موبائل فون میں بالکل 1:00 کا وقت تھا  ،میں اندرچلی گئی ،لیکن اس کے بعد میں نے وقت نہیں دیکھا ،کیونکہ میں بالکل بدحواس تھی، کافی دیر بعد میں نے وقت دیکھا تو  1:02 ہورہے تھے، آپ مہربانی فرما کرمجھے اس بارے میں بتائیں کہ طلاق معلق ہوگئی؟

 نوٹ: یہ واضح رہے کہ نکاح ابھی نہیں ہوا، اب اگرایسے میں خدانخواستہ طلاق معلق ہو گئی ہے توکیا فضولی کے ذریعے نکاح کرسکتے ہیں ؟اگرنکاح کیا جائےتو نکاح صحیح رہےگا یا طلاق ہوجائے گی ؟

اَلجَوَابْ بِاسْمِ مُلْہِمِ الصَّوَابْ

سوال میں ذکر کی گئی صورت حال سے معلوم ہوتا ہے کہ آپ ایک بجے تک گھر پہنچ گئی تھیں،اس لئے شرط نہ پائے جانے کی وجہ سے طلاق معلق نہیں ہوئی،لہذا آپ دونوں نکاح کرسکتے ہیں اور نکاح کے بعد طلاق واقع نہیں ہوگی۔

"الدر المختار " (3/ 355):

"(وتنحل) اليمين (بعد) وجود (الشرط مطلقا) لكن إن وجد في الملك طلقت وعتق وإلا لا".