سوال

میرے چچا محبوب علی خان کا 2020 میں انتقال ہوا ہے،انتقال کے وقت ان کی صرف ایک بہن خوشنود حیات تھی اور ابھی بھی ہے،بہن کے علاوہ ان کی ایک بیٹی ہےجس کا نام زینت بیگم ہے،جبکہ میرے والد صاحب کا انتقال 1999 میں ہوا تھا،انتقال کے وقت میرے چچا کے پاس کچھ نقدی تھی،اس کے بارے میں سوال ہے کہ وہ کن لوگوں میں تقسیم ہوگی؟ واضح رہے کہ ان کی بیوی اور والدین کا انتقال ان سے پہلے ہوچکا ہے۔

اَلجَوَابْ بِاسْمِ مُلْہِمِ الصَّوَابْ

وفات کے وقت نقدی،جائیداد یا ان کے علاوہ جوکچھ بھی  آپ کے چچا کی ملکیت میں تھاوہ ان کی بیٹی اور بہن میں دو برابر حصوں میں تقسیم ہوگا،یعنی آدھا ان کی بیٹی کو ملے گااور آدھا ان کی بہن کو۔

"الدر المختار " (6/ 776):

"ثم شرع في العصبة مع غيره فقال (ومع غيره الأخوات مع البنات) أو بنات الابن لقول الفرضيين اجعلوا الأخوات مع البنات عصبة".