سوال

متوفیٰ عنہا زوجہا عدت  میں شدید مجبوری  کی حالت میں  گھر سے نکل کر کھیتی کا کام کر سکتی ہے ،جبکہ کماکر دینے والا کوئی نہیں  ہے؟

اَلجَوَابْ بِاسْمِ مُلْہِمِ الصَّوَابْ

اگر واقعی ایسی صور حال ہے کہ اس کے  پاس بقدر ضرورت اخراجات کے لیے بندوبست نہیں اور نہ ہی کوئی اور کماکر دینے والا ہے ، تو اس صورت میں یہ دن میں صرف بقدر ضرورت کام کرنے  کے لیے گھر سے نکل سکتی ہے ۔کام مکمل ہونے پر  فوراً گھر واپس آنا ضروری ہے ۔ یہی گنجائش اس صورت میں بھی ہوگی جب کمانے کی حاجت نہ ہو،لیکن کھیت کی دیکھ بال کا کوئی اور ذریعہ نہ ہو؛کیونکہ ایسی صورت میں ایک بڑے مالی نقصان کا خطرہ ہے۔تاہم یہ سب اجازتیں ضرورت سے ہیں،ضرورت پوری ہونے پر مزید باہر ٹھہرنا درست نہ ہوگا۔

وأما ‌المتوفى ‌عنها ‌زوجها فلا تخرج ليلا ولا بأس بأن تخرج نهارا في حوائجها؛ لأنها تحتاج إلى الخروج بالنهار لاكتساب ما تنفقه؛ لأنه لا نفقة لها من الزوج المتوفى بل نفقتها عليها فتحتاج إلى الخروج لتحصيل النفقة، ولا تخرج بالليل لعدم الحاجة إلى الخروج بالليل. ) بدائع الصنائع:3/205)

قال في الهداية: وأما المتوفى عنها زوجها فلأنه لا نفقة لها فتحتاج إلى الخروج نهارا لطلب المعاش ...قال في الفتح: والحاصل أن مدار حل خروجها بسبب قيام شغل المعيشة فيتقدر بقدره، فمتى انقضت حاجتها لا يحل لها. ( الدر المختار مع رد المحتار:3/536)