سوال

دوسرا سوال  اس کنواری لڑکی کی سگی بہن (جو صاحبِ اولاد تھی،یعنی اس کا ایک بیٹا اور ایک بیٹی ہے)  کی میراث کے حوالے سے ہے کہ وہ کیسے تقسیم ہوگی،کیونکہ بعد میں وہ بھی فوت ہوگئی،کیا اس کی باپ شریک بہن کو اس کی میراث میں سے حصہ ملے گا یا نہیں؟ براہ کرم شرعی اصول کے مطابق مکمل اور واضح جواب عنایت فرمائیں۔

اَلجَوَابْ بِاسْمِ مُلْہِمِ الصَّوَابْ

مرحومہ کا ترکہ کل تین حصوں میں تقسیم ہوگا،جس میں سے دو حصے اس کے بیٹے کو ملیں گے اور ایک حصہ اس کی بیٹی کو ملے گا ،جبکہ اس کی باپ شریک بہن کومذکورہ صورت میں اس کی میرا ث میں سے حصہ نہیں ملے گا۔

"الفتاوى الهندية" (6/ 448):

"وأما النساء فالأولى البنت ولها النصف إذا انفردت وللبنتين فصاعدا الثلثان، كذا في الاختيار شرح المختار وإذا اختلط البنون والبنات عصب البنون البنات فيكون للابن مثل حظ الأنثيين، كذا في التبيين".