سوال

مجھے باسط حسین نام کا صحیح مطلب بتا دیں مجھے یہ تو پتہ ہے ،کہ باسط وہ صفت ہے،جو بندوں کے ساتھ استعمال کی جا سکتی ہے ،لیکن حسین استعمال کر سکتے ہیں باسط کے ساتھ اور مجھے یہ بتائیں ،کہ باسط حسین کا پورا مطلب کیا ہے ؟یا پھر اس کا کیا مطلب بنتا ہے؟

اَلجَوَابْ بِاسْمِ مُلْہِمِ الصَّوَابْ

"باسط" کے معنی ہیں "فراخی دینے والا"۔ یہ اللہ تعالیٰ کے صفاتی ناموں میں سے ہے ، لیکن اگر انسان کےحوالے سے اس سے عام معنی جیسے "کشادہ دل" یا "وسیع ظرف رکھنے والا" مراد لیا جائے، تو انسان کے لیے اس کا استعمال   جائز   ہو گا۔بہتر یہ ہے کہ اس کو عبد کے ساتھ عبد الباسط استعمال کیا جائے ،لیکن اس کا استعمال عبد کےبغیربھی جائزہے۔"حسین" حضور ﷺ کے نواسے کا بابرکت نام ہے۔لہٰذا"باسط حسین" کا مطلب ہوگا: کشادہ دل  والا حسین ،یہ نام رکھنا شرعاً جائز ہے۔

لسان العرب (7/ 258):

الباسط، هو الذي يبسط الرزق لعباده ويوسعه عليهم بجوده ورحمته ويبسط الأرواح في الأجساد عند الحياة.

حاشية ابن عابدين = رد المحتار ط الحلبي (6/ 417):

وجاز ‌التسمية ‌بعلي ‌ورشيد ‌من ‌الأسماء ‌المشتركة ‌ويراد ‌في ‌حقنا ‌غير ما يراد في حق الله تعالى.

الفتاوى العالمكيرية = الفتاوى الهندية (5/ 362):                                                                                                                                                                         

والتسمية باسم يوجد في كتاب الله تعالى ‌كالعلي ‌والكبير والرشيد والبديع جائزة لأنه من الأسماء المشتركة ويراد في حق العباد غير ما يراد في حق الله تعالى كذا في السراجية.