سوال

بعض اوقات بیت الخلاء میں پانی کے قطرے نلکے سے ٹپکتے ہیں اور ٹائل پر لگ کر کپڑے پر لگ جاتے ہیں ۔کیا یہ پانی پاک رہتا ہے ؟ یعنی کپڑے پاک رہتے ہیں یا نہیں ؟

اَلجَوَابْ بِاسْمِ مُلْہِمِ الصَّوَابْ

نلکے سے ٹپکنے والا پانی جس جگہ  گر رہا ہے اگر غالب گمان یہ ہو کہ وہ جگہ نجس نہیں ہےتو وہ پانی پاک شمار ہوگا اور اگر وہ کپڑوں  پر لگ جائے تو کپڑے ناپاک نہیں  ہوں گے۔  لیکن اگر غالب گمان ہو کہ وہ جگہ ناپاک ہےتو اس پر گرنے والا پانی بھی نجس سمجھا جائے گااور کپڑوں پر لگنے کی صورت میں کپڑےبھی ناپاک ہو جائیں گے۔

المحيط البرهاني (5/ 361):

لأن الطهارة في الأشياء أصل والنجاسة عارض، فيجري على الأصل حتى يعلم حدوث العارض.

المحيط البرهاني (1/ 191):

‌سئل ‌خلف عمن ألقى حجرا ملطخا بالعذرة في نهر كبير جار، فارتفعت قطرات من الماء فأصاب ثوبه، قال: إن كان ذلك من الماء المتصل بالحجر، فسد  وإن كان من غير ذلك الماء، فلا بأس به.