سوال

ایک آدمی کا انتقال ہوگیا ہے ،اس کی ایک بیوہ،چار بیٹیاں اور تین حقیقی بھائی ہیں ۔اب ان کے درمیان میراث کیسے تقسیم ہوگی؟

اَلجَوَابْ بِاسْمِ مُلْہِمِ الصَّوَابْ

مرحوم کے ترکہ میں سب سے پہلے تجہیز وتکفین کے متوسط اخراجات  اداء کیے جائیں گے ، بشرطیکہ کسی نے اپنی خوشی سے اپنے طور   پر نہ دیے ہوں ،پھراگر ان کے ذمہ کوئی قرض ہو وہ ادا کیا جائے،پھراگر مرحوم نے وصیت کی ہے وہ ایک تہائی مال سے  پوری کی جائے،پھر اگر اس کے والدین میں سےکوئی زندہ نہیں توباقی ترکہ  ، بیوی ،چار بیٹیوں اور تین بھائیوں میں تقسیم ہوگا۔ کل ترکہ کے 72 حصے بناکربیوی کو نو  حصے،ہر بیٹی  کوبارہ حصے  اور ہر بھائی  کوپانچ حصے دیے جائیں گے۔فیصد کے اعتبار سے بیوی  کو12.50%ہر بیٹی  کو16.6675% جب کہ ہربھائی کو5.2075% فیصد ملے گا۔

آسانی کے لیے نقشہ ملاحظہ ہو:

قال اللہ تعالی: يُوصِيكُمُ اللَّهُ فِي أَوْلادِكُمْ لِلذَّكَرِ مِثْلُ حَظِّ الأُنثَيَيْنِ … تَرَكْنَ ۚ مِنۢ بَعْدِ وَصِيَّةٍۢ يُوصِينَ بِهَآ أَوْ دَيْنٍۢ ۚ وَلَهُنَّ ٱلرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ ۚ فَإِن كَانَ لَكُمْ وَلَدٌ فَلَهُنَّ ٱلثُّمُنُ مِمَّا تَرَكْتُم.  (النساء:۱۱)

وقال العلامۃ القاضی خان:اولي العصبات بالميراث: الإبن ،ثم ابن الإبن وإن سفل .

(الفتاوى التاتارخانية:20/457)

العصبة من يأخذ جميع المال عند انفراده، وما أبقته الفرائض عند وجود من له الفرض المقدر.

(تبیین الحقائق:6/237)