سوال

مندرجہ ذیل مسائل میں شرعی رہنمائی مطلوب ہے،جواب دیکر عند اللہ ماجور ہوں۔

ایک ادارہ ( دینی تنظیم/ تحریک ) جس کے ماتحت مختلف دینی ، دعوتی، فکری و آگاہی اور رفاہی سرگرمیاں سر انجام دی جاتی ہیں،  کو حسب ذیل امور میں شرعی رہنمائی مطلوب ہے:

۱۔ ادارہ کا زکوٰۃ وصول کرنے کا نظم:

• ادارہ کا زکوٰۃ سسٹم وکالت کی بنیاد پر ہے وہ اس طرح کہ ادارہ کے تحت مختلف مستحقین(نو مسلمین ومسلمین) موجود ہیں، ان کاباقاعدہ استحقاق معلوم کر کے  ان سے حسب ذیل وکالت نامہ پر دستخط لے لئے جاتے ہیں:

 (استحقاق زکوٰۃ فارم)

فارم نمبر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔                    تاریخ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

درخواست گذار کا نام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مستحق سے رشتہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مستحق کا نام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مستحق کے شوہر / والد کانام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عمر۔۔۔۔۔۔۔۔۔۔۔۔۔۔۔۔۔۔۔۔۔

سرپرست کا نام۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مذہب ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیشہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شناختی کارڈ نمبر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اگر کہیں کام کرتےہیں تواس ادارہ کانام اورمکمل پتہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ادارے کا فون نمبر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مکمل پتہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مکمل موجودہ پتہ: ………………………………………………………………………………….

1۔ میں رب کریم کو حاضر ناظر جان کر حلفیہ اقرار کرتا ہوں / کرتی ہوں کہ  میں مسلمان ہوں  اور میرا تعلق ہاشمی خاندان ( سید، علوی، عباسی وغیرہ ) سے نہیں ہے اور نہ ہی میں اہل تشیع ہوں اور نہ ہی قادیانی ،آغاخانی فرقے سے تعلق رکھتا / رکھتی ہوں۔

2۔ میری ملکیت میں ساڑھے سات تولہ سونا یا ساڑھے باون تولہ چاندی نہیں  ہے اور  نہ ساڑھے باون تولہ چاندی کی قیمت کے برابر  نقد روپیہ یا اتنی قیمت کا سامان تجارت یا ضرورت سے زائد سامان / جائیداد (زمین، مکان، دکان، پلاٹ ) موجود ہے،نیز ایسا بھی نہیں کہ مذکورہ بالا سب یا بعض قسموں کا مال مل کر ساڑھے باون تولہ چاندی کی قیمت کے برابر ہو جاتا ہو۔

3۔ میری طرف سے ادارہ  کے صدر یا ان کے نمائندہ ( جس کو وہ اجازت دیں) اس کا اختیار ہوگا کہ وہ میرے لئے زکوٰۃ وصدقات واجبہ کی رقم یا اشیاء وصول کریں اور میری یا دیگر مستحقین کی ضروریات  میں خرچ کریں یا ادارہ کی ملکیت میں دے دیں یا ادارہ پر وقف کردیں۔

دستخظ درخواست گذار...........              دستخط ویلفیئر آفیسر ..........              

دستخط نمائندہ مجاز...........

اثاثہ جات	مالیت	ذمہ داریاں	مالیت
نقدی (روپے،پیسے، بنک بیلنس)		فی الفور واجب الاداء ادائیگیاں  ( بل وغیرہ)
سونا (خواہ کسی بھی شکل میں ہو)		مکان کا کرایہ
چاندی ( خواہ کسی بھی شکل میں ہو)		نابالغ اولاد کا خرچہ
شئیرز، بانڈز، بچت سرٹیفکیٹس		کمیٹی کے بقایا جات جب کہ کمیٹی مل چکی ہو
کسی کے پاس امانت کے طور پر رکھی ہوئی ذاتی رقم		قسطوں پر خریدی ہوئی چیز کی واجب الاداء قسطیں
کسی کے پاس رکھوائی ہوئی مالیت والی چیز		قرض
کمیٹی میں اپنی جمع شدہ رقم		کوئی اور خرچ
ٹی وی، وی سی آر، ڈی وی ڈی پلیئیر
زمین (زرعی / بنجر)
پلاٹ (برائے تجارت / مکان)
کاروباری اثاثہ جات کی مالیت
کل:		کل:

 

 

 

 

 

 

 

 

 

 

 

 

 

فرق (اثاثہ جات کی کل مالیت – ذمہ داریاں)=   ۔۔۔۔۔۔۔۔۔۔۔۔۔۔۔۔مستحق / غیر مستحق۔۔۔۔۔۔۔۔۔۔۔۔۔۔۔

مقدار زکوٰۃ

مکان (تعداد)۔۔۔۔۔۔۔۔۔۔۔۔۔۔۔سواری (تعداد)۔۔۔۔۔۔۔۔۔۔۔۔۔۔۔۔۔۔نابالغ اولاد (تعداد)۔۔۔۔۔۔۔۔۔۔۔

مجوزہ مقدار زکوٰۃ۔۔۔۔۔۔۔۔۔۔۔۔۔۔۔۔۔۔۔۔۔

تفصیل بالغ افراد

نمبر	نام	عمر	مشغلہ	مرد/عورت	سربراہ سے تعلق	ماہانہ آمدن	کیفیت
1
2
3

 

 

 

 

میں اقرار کرتا / کرتی ہوں کہ میری طرف سے دی گئی مذکورہ بالا تمام معلومات درست اور سچ ہیں اور آئندہ اگر زکوٰۃ لینے کی نوبت آئی اور مذکورہ بالا معلومات میں اس وقت کوئی تبدیلی ہو چکی ہو تو ان کے متعلق ضرور اطلاع دوں گا / دونگی۔

دستخط درخواست گذار۔۔۔۔۔۔۔۔۔۔۔۔۔۔دستخط تحقیق کنندہ۔۔۔۔۔۔۔۔۔۔۔۔

• اس وسیع نظام کو چلانے کیلئے ادارہ کے سربراہ (مستحقین کے وکیل) کی طرف سے باضابطہ طور پر مزید کچھ افراد  کواس بات کی اجازت دی گئی ہے کہ وہ ادارہ کے سربراہ کی نیابت میں وکیل الوکیل کی حیثیت سے مستحقین کیلئے ، عوام الناس سے صدقات نافلہ و واجبہ کی رقوم وصول کریں۔

وکالت نامہ حسب ذیل ہے:

میں مسمی ( ادارہ کے سربراہ کانام ) مستحقین کے وکیل کی حیثیت سےمحترم جناب ------ کو وکیلالوکیل کی بنیاد پر مستحقین (مسلمین و نومسلمین)کی طرف سے عوام الناس فنڈ ( صدقات واجبہ ونافلہ) وصول کرنے کاوکیلبناتا ہوں۔

دستخط سربراہ ادارہ )وکیل)  ۔۔۔۔۔۔

دستخط )وکیل الوکیل  )             ۔۔۔۔۔۔

• بعض اوقات ادارہ کو زکوٰۃ اور صدقات واجبہ کی رقوم بذریعہ بنک اکاؤنٹ وصول ہوتی ہیں ،جس کی تفصیل یہ ہے کہ کچھ احباب کے ذاتی اکاؤنٹس کو اس کام کیلئے مختص کر دیا گیا ہے، کیونکہ باوجود کوشش کے تاحال ادارہ کے نام سے اکاونٹ نہیں کھل سکا،مگر ان احباب سے الگ سے اسٹام پیپر پر یہ تحریر لی گئی ہے کہ ان اکاؤنٹس میں موجود رقوم ان کی ذاتی شمار نہیں ہوں گی،  بلکہ ادارہ  کی ملکیت متصور ہوں گی، بالفاظ دیگر ان اکاؤنٹس کا اصل بینیفشری اور مستفیدادارہ  ہے اور اکاؤنٹ محض قانوناً ان افرادکے نام پرہیں۔
• اگر کسی موقع پر یہ صورت پیش آجائے کہ مستحقین کے وکلاء کو وصول ہونے والی رقوم اس قدر ہوجائیں  کہ مستحقین صاحب نصاب بن جائیں تو اس سے بچنے  کے لئے ادارہ نے الگ سے ایک اکاؤنٹ  نامزد کررکھاہے، جس میں رقوم کو فوری طور پر منتقل کرنے کی کوشش کی جاتی ہے لیکن بسااوقات ان رقوم کو ادارہ کے مرکزی دفتر میں پہنچانا مشکل ہوتاہے اس لئے وہ رقوم کچھ عرصہ کے بعد ادارہ کو اپنے افراد کے ذریعے وصول ہوتی ہیں۔

(الف) کیاادارہ کے سربراہ کا اولامستحقین سے اپنے لئے اس طرز پر زکوۃ فارم کے ذریعے وکالت لینا جائز ہے ؟

(ب) کیا وکیل الوکیل کا تقرر کرنا اور پھر ان وکلاء کا اس طرح سے عوام الناس سے زکوٰۃ وصول کرنا جائز ہے؟

 (ج) کیا اس مد میں وصول ہونے والی زکوٰۃ کی ادائیگی وکیل کے قبضہ کرتے ہی اداہو جائے گی یا مستحقین کا الگ سے اس زکوٰۃ کی رقم پر قبضہ کرنا ضروری ہے ؟

 (د) کیا ادارہ بامر مجبوری، اس طرح کے اکاؤنٹس کو مستحقین کی طرف سے زکوٰۃ کی وصولی کے لئے استعمال کر سکتا ہے؟ اور کیا ان اکاؤنٹس میں رقوم موصول ہوتے ہی زکوٰۃ ادا ہو جائے گی، یا مستحقین کا الگ سے ان رقوم پر قبضہ کرنا ضروری ہے ۔

 (ح) کیا مستحقین کو صاحب نصاب بننے سے بچانے کے لئے،  ادارہ کے لئے کسی الگ اکاؤنٹ میں  رقوم منتقل کرناضروری ہے یا ان مستحقین کے وکلاء کے اکاؤنٹس یا ان کے قبضہ  میں رہتے ہوئے  ہی ادارہ کی ملکیت تصور کی جاسکتی ہے؟

 (ط) مستحقین کے وکیل کی حیثیت متولی طرفین (معطی اورمستحق دونوں کاوکیل)کی متصورہوگی یاوکالت طرف واحدسےہی متصورہوگی؟

اَلجَوَابْ بِاسْمِ مُلْہِمِ الصَّوَابْ

(الف،ب)واضح رہے کہ بہتر اور شفاف طریقہ کار یہ  ہے کہ اموالِ زکوة کو تملیک کا حیلہ اختیار کئے بغیر براہ ِراست حقیقی مصارف پر خرچ کیا جائے،اس لئے آپ کے ادارے کو حتی الوسع اسی کی کوشش کرنی چاہیے کہ اموال زکوة کو براہِ راست حقیقی مصارف پر خرچ کیا جائے،حیلہ تملیک بوقتِ ضرورت اور بقدر ضرورت اختیار کیا جائے،اس تمہید کے بعد آپ کے سوال کا جواب یہ ہے کہ:

بوقت ضرورت اور بقدر ضرورت سوال میں ذکر کئے گئے طریقہ کار کے مطابق ادارے کے سربراہ کا مستحق لوگوں سے وکالت لینا اور پھر ضرورت کی صورت میں دیگر لوگوں کو وصولی کا وکیل بنانے کی بھی گنجائش ہے۔

(ج)چونکہ وکیل کا قبضہ مؤکل کا قبضہ شمار ہوتا ہے،اس لئے وکیل کے قبضے میں آنے سے زکوة ادا ہوجائے گی۔

(د)چونکہ مستحقین کی طرف سے ادارے کو اس بات کی اجازت دی گئی ہے کہ وہ کسی بھی شخص کو ان کی طرف سے زکوة کی وصولی کا وکیل بناسکتا ہے،اس لئے بوقتِ ضرورت اس طرح کے اکاؤنٹس کے ذریعے زکوة کی رقم وصول کی جاسکتی ہے اور رقم کے اکاؤنٹ میں آتے ہی زکوة ادا ہوجائے گی۔

(ح)مستحقین کو صاحب نصاب بننے سے بچانے کے لئے ان کے وکلاء کے اکاؤنٹس میں آنے والی رقم کو ادارے کی ملکیت میں منتقل کرنا ضروری ہوگا،جب تک وہ وکلاء کے اکاؤنٹس میں رہے گی انہیں کی ملکیت شمار ہوگی۔

(ط)حقیقت میں ٹرسٹ کے ذمہ دارن مستحقین کے وکیل ہیں،دینے والوں کے فقط اس حد تک ہیں کہ انہوں نے ان کو مستحقین کے وکیل کی حیثیت سے مال حوالے کردیا ہے،تفصیل کے لئے ملاحظہ ہو:"امداد المفتین":ص883،"جواہرالفقہ":3/295

"الدر المختار"(2/ 344):

ويشترط أن يكون الصرف (تمليكا) لا إباحة كما مر (لا) يصرف (إلى بناء) نحو (مسجد و) لا إلى (كفن ميت وقضاء دينه) أما دين الحي الفقير فيجوز لو بأمره، ولو أذن فمات فإطلاق الكتاب يفيد عدم الجواز وهو الوجه نهر (و) لا إلى (ثمن ما) أي قن (يعتق) لعدم التمليك وهو الركن.

وقدمنا أن الحيلة أن يتصدق على الفقير ثم يأمره بفعل هذه الأشياء وهل له أن يخالف أمره؟ لم أره والظاهر نعم".

قال العلامة ابن عابدین رحمہ اللہ: "(قوله ثم يأمره إلخ) ويكون له ثواب الزكاة وللفقير ثواب هذه القرب بحر وفي التعبير بثم إشارة إلى أنه لو أمره أولا لا يجزئ؛ لأنه يكون وكيلا عنه في ذلك وفيه نظر؛ لأن المعتبر نية الدافع ولذا جازت وإن سماها قرضا أو هبة في الأصح كما قدمناه فافهم.

(قوله: والظاهر نعم) البحث لصاحب النهر وقال؛ لأنه مقتضى صحة التمليك قال الرحمتي: والظاهر أنه لا شبهة".

"الدر المختار " (2/ 269):

" ولو خلط زكاة موكليه ضمن وكان متبرعا إلا إذا وكله الفقراء وللوكيل أن يدفع لولده الفقير وزوجته لا لنفسه إلا إذا قال: ربها ضعها حيث شئت

قال العلامة ابن عابدین رحمہ اللہ :" (قوله إذا وكله الفقراء) لأنه كلما قبض شيئا ملكوه وصار خالطا مالهم بعضه ببعض ووقع زكاة عن الدافع، لكن بشرط أن لا يبلغ المال الذي بيد الوكيل نصابا. فلو بلغه وعلم به الدافع لم يجزه إذا كان الآخذ وكيلا عن الفقير كما في البحر عن الظهيرية.

قلت: وهذا إذا كان الفقير واحدا، فلو كانوا متعددين لا بد أن يبلغ لكل واحد نصابا لأن ما في يد الوكيل مشترك بينهم، فإذا كانوا ثلاثة، وما في يد الوكيل بلغ نصابين لم يصيروا أغنياء فتجزي الزكاة عن الدفع بعده إلى أن يبلغ ثلاثة أنصباء إلا إذا كان وكيلا عن كل واحد بانفراده، فحينئذ يعتبر لكل واحد نصابه على حدة، وليس له الخلط بلا إذنهم؛ فلو خلط أجزأ عن الدافعين وضمن للموكلين. وأما إذا لم يكن الآخذ وكيلا عنهم فتجزي، وإن بلغ المقبوض نصبا كثيرة لأنهم لم يملكوا شيئا مما في يده".