سوال

اگر ٹریول ایجنسی کو بین الاقوامی معاملات کے لیے اجازت نامہ (Permit)  جاری کیا جائے ، اور وہ اس اجازت نامے کو دوسرے  ٹریول ایجنسی کو استعمال کرنے کے لیے دے اور ہر ویزے کے اوپر ایک معقول رقم وصول کرتا  ہے تو کیا ٹریول ایجنسی کے لیے یہ جائز ہےکہ وہ اپنا اجازت نامہ دوسری ٹریول ایجنسی کو دے اور ان سے اس کا عوض وصول کرے۔مثلاً البانیہ کی حکومت کی طرف ہماری ٹریول ایجنسی کو بلاواسطہ ویزا لگانے کے لیے اجازت نامہ ملا اور ہم نے اس کو دوسرے ٹریول ایجنسی کو فی بندہ، عوض کی بنیاد پر بیچ دیا۔

اَلجَوَابْ بِاسْمِ مُلْہِمِ الصَّوَابْ

چونکہ اجازت نامے کی کاپی یا اس کی شرائط و ضوابط ہمارے سامنے نہیں ہے اس لیے اصولی جواب یہ ہے کہ متعلقہ  ملک کے متعلقہ ادارے سے یہ بات آفیشلی طور پر معلوم کرلی جائے کہ کیا قانونی طور پر اس طرح کسی اور کو اجازت نامہ استعمال کرنے کے لیے دینےکی  اور اس کا عوض وصول کرنے کی اجازت ہے یا نہیں ، اگر وہ اجازت دیں تو کسی قسم کی دھوکہ دہی اور غلط بیانی کے بغیر ان کے بتائے ہوئے طریقے کے مطابق اس اجازت نامے کو کسی اور کو استعمال کے لیے دینا اور اس کا عوض لینا جائز ہوگا بصورت دیگر جائز نہیں ہوگا۔

...