سوال

کچھ دن پہلے میری اپنی بیگم سے لڑائی ہوگئی ، تو میں نے غصے کی حالت میں اپنی بیوی کو یہ الفاظ کہہ دیے کہ زیادہ تنگ مت کرو ، ورنہ میں تمہیں چھوڑ دوں گا ، اور اس بات پر گواہ میرا بڑا بیٹا اسود ہے ، اور یہ میں حلفیہ بیان دے رہاہوں۔برائے مہربانی اس مسئلہ کی وضاحت فرمائیں۔

اَلجَوَابْ بِاسْمِ مُلْہِمِ الصَّوَابْ

صورتِ مسئولہ میں لفظ ”تنگ مت کرو ،ورنہ میں تمہیں چھوڑ دوں گا“ یہ دھمکی آمیز جملہ ہے ، اور مستقبل میں طلاق دینے کی دھمکی پرمشتمل ہے،  اس سے کوئی طلاق واقع نہیں ہوئی،  تاہم گفتگو میں احتیاط ضروری ہے۔

فقال الزوج أطلق (طلاق می کنم) فکررہ ثلاثاً طلقت ثلاثاً بخلاف قولہ: سأطلق (طلاق می کنم) لأنہ استقبالٌ فلم یکن تحقیقا بالشک․ (الہندیة: 1/ 384(