سوال

زید اور عمر دو بھائی ہیں، زید کی چھوٹی بچی نے عمر کے چھوٹے بچے کے ساتھ اس کی بیوی کا دودھ پیا ہے، اب اس چھوٹی بچی کی بڑی بہن یعنی زید کی بڑی بیٹی عمر کے بڑے بیٹے کے نکاح میں آسکتی ہے؟

اَلجَوَابْ بِاسْمِ مُلْہِمِ الصَّوَابْ

صورتِ مسئولہ زید کی بڑی بیٹی کا نکاح عمر کے بڑے بیٹے کے ساتھ جائز ہے، کیونکہ زید کی بڑی بیٹی اور عمر کے بڑے بیٹے نے ایک دوسرے کی والدہ کا دودھ نہیں پیا، اس لیے ان دونوں کے درمیان حرمتِ رضاعت ثابت نہیں ہوئی، اس لیے ان کا آپس میں نکاح درست ہے۔

الهداية في شرح بداية المبتدي (1/ 218) دار احياء التراث العربي – بيروت:

ويجوز أن يتزوج الرجل بأخت أخيه من الرضاع " لأنه يجوز أن يتزوج بأخت أخيه من النسب وذلك مثل الأخ من الأب إذا كانت له أخت من أمه جاز لأخيه من أبيه أن يتزوجها.