سوال

ایک شخص کا انتقال ہوا، اس کا ایک مکان ہے جس کی قیمت چالیس (40) لاکھ روپے ہے۔ اس شخص کی ایک بیوی سے چار بیٹے ہیں، اس بیوی کا انتقال شوہر سے پہلے ہوچکا ہے، دوسری بیوی سے ایک بیٹی ہے، یہ بیوی زندہ ہے۔ مذکورہ مکان ورثا میں کیسے تقسیم ہوگا؟

اَلجَوَابْ بِاسْمِ مُلْہِمِ الصَّوَابْ

صورتِ مسئولہ میں اگر مرحوم کے والدین، دادا، دادی اور نانی میں سے کوئی زندہ نہ ہو تو اس مکان کے کل بہتر (72) حصے کر کے بیوہ کو نو (9) حصے، چار بیٹوں میں سے ہر ایک بیٹے کو چودہ، چودہ (14، 14) حصے اور بیٹی کو سات (7) حصے دیدیں۔

لہٰذا اگر مذکورہ مکان چالیس لاکھ میں فروخت ہوتا ہے تو بیوہ کو اس میں سے پانچ (5) لاکھ، چار بیٹوں میں سے ہر ایک بیٹے کو سات لاکھ ستتر ہزار سات سو ستتر اعشاریہ سات سات (777,777.77) اور بیٹی کو تین لاکھ اٹھاسی ہزار آٹھ سو اٹھاسی اعشاریہ آٹھ آٹھ (388,888.88) روپے ملیں گے۔

۔