سوال

السلام علیكم ورحمۃ اللہ وبرکاتہ ! میں ایک سرکاری ملازم  ہوں اور روزانہ ہماری 8گھنٹے ڈیوٹی ہوتی ہے،لیکن اکثر اوقات کبھی ڈیوٹی پرگھنٹہ  یا آدھاگھنٹہ دیر سے پہنچتا  ہوں یا وقت سےپہلے گھنٹہ یاآدھا گھنٹہ  ڈیوٹی چھوڑکر چلا  جاتاہوں ۔ چونکہ ڈیپارٹمنٹ میں کوئی ایسا نظام موجود نہیں ہے  کہ جن گھنٹوں  کی ڈیوٹی  نہیں کی ہے، ان گھنٹوں کی تنخواہ کاٹ دے، لہذا ایسی صورت میں میرے لیے کونسی ایسی جائز صورت ہو سکتی  ہے کہ جن گھنٹوں  کی ڈیوٹی  نہیں کی ہے، ان گھنٹوں  کاحساب لگا کر جتنے پیسے بنتے ہیں، ان پیسوں کا استعمال کیسے اور کہاں کروں؟  تاکہ گناہ سے بچ سکوں۔ جزاک اللّہ!

اَلجَوَابْ بِاسْمِ مُلْہِمِ الصَّوَابْ

سرکاری ملازم اجیر خاص کے حکم  میں ہوتا ہے  اور اجیر خاص  متعین مدت میں حاضر ہوکر اپنے آپ کومستاجرکے حوالہ کرنےپر اجرت کا مستحق ٹھہرتا ہے۔ صورت مسئلہ میں سائل  جتنے گھنٹوں کی ڈیوٹی نہیں کرتا  تو خود اپنی طرف سے  اس کا حساب لگا کر وہ رقم سرکاری خزانہ میں لوٹا دے   ۔ہاں   اگر یہ رخصت  ادارے کی سربراہ کی اجازت سے ہے  اور وہ سربراہ اس قسم کی رخصت کا قانونا مجاز بھی ہے تو پھر اس صورت  میں اس رقم  کی واپسی لازم نہیں  ہے

قال الفخر الزيلعي رحمه الله تعالى : الأجير الخاص يستحق الأجرة بتسليم نفسه للعمل عمل أو لم يعمل سمي أجيرا خاصا وأجير وحد؛ لأنه يختص به الواحد وهو المستأجر وليس له أن يعمل لغير.(تبيين الحقائق: 5/ 137)
قال العلامة ابن عابدين رحمه الله تعالى : (قوله: وليس للخاص أن يعمل لغيره) … وإذا استأجر رجلا يوما يعمل كذا فعليه أن يعمل ذلك العمل إلى تمام المدة ولا يشتغل بشيء آخر سوى المكتوبة . (رد المحتار : 70/6)