سوال

مجھے بھائی کی یونیورسٹی کے  5 سال کے لیے فیس جمع کرنی ہے ، اگر میں فیس جمع کر کے رکھوں تو کیا اس پر بھی زکوۃ ہوگی؟

تنقیح: سائل نے فون پر بتایا کہ ان کا بھائی جو ابھی بارہویں جماعت میں ہے اس کے لیے آئندہ یونیورسٹی کی فیس ادا کرنی ہے، اس لیے پیسے جمع کر رہے ہیں۔

اَلجَوَابْ بِاسْمِ مُلْہِمِ الصَّوَابْ

اگر آپ اپنے بھائی کی یونیورسٹی کی 5 سال کی فیس جمع کر رہے ہیں اور یہ رقم چاندی کے نصاب کے بقدر ہو جائے، اور اس پر سال بھی گزر جائے، تو اس پر زکوۃ واجب ہوگی۔

الدر المختار شرح تنوير الأبصار وجامع البحار (ص127):

(‌وشرطه) ‌أي ‌شرط ‌افتراض ‌أدائها (حولان الحول) وهو في ملكه (وثمنية المال كالدراهم والدنانير) لتعينهما للتجارة بأصل الخلقة فتلزم الزكاة كيفما أمسكهما ولو للنفقة

حاشية ابن عابدين = رد المحتار ط الحلبي (2/ 262):

إذا أمسكه لينفق منه كل ما يحتاجه فحال ‌الحول، ‌وقد ‌بقي معه منه نصاب فإنه يزكي ذلك الباقي، وإن كان قصده الإنفاق منه أيضا في المستقبل لعدم استحقاق صرفه إلى حوائجه الأصلية وقت حولان الحول،