سوال

بیوی سے مباشرت کے دوران کبھی کبھی بیوی کی شرمگاہ سے پانی جیسے مائع کا اخراج ہوتا ہے، حالانکہ کے پیشاب کی حاجت نہیں ہوتی اورمثانہ بھی خالی ہوتا ہے ، اس سے بچنا مشکل ہے اور یہ خاوند کے بدن سے بھی لگ جاتا ہے، کیا اس مائع کا حکم پیشاب جیسا ہے ؟ اور اس سے بچنا چاہیئے ؟ جب کے اس کا اخراج اچانک اور غیر ارادی ہوتا ہے اور بچنا مشکل ہے۔

اَلجَوَابْ بِاسْمِ مُلْہِمِ الصَّوَابْ

واضح رہے کہ میاں بیوی کے باہمی بوس و کنار کے دوران عورت کی شرم گاہ سے خارج ہونے والا پانی عام طور پر مذی ہوتا ہے۔ مذی کا حکم پیشاب کی طرح ہے، یعنی اس کے خروج سے غسل فرض نہیں ہوتا، لیکن وضو ٹوٹ جاتا ہے۔اگر مذی کپڑے یا جسم پر لگ جائے تو وہ ناپاک ہو جائے گا، اور اسے دھونا ضروری ہوگا۔

) بذل المجھود:2/265(

قال العلامۃ السہارنفوری رحمہ اللہ :واتفقت العلماء على أن الغسل لا يجب لخروج المذي، وعلى أن المذي نجس, وعلى أن الأمر بالوضوء منه كالأمر بالوضوء من البول.