سوال

ایک مشترک جگہ تھی ،اس میں تقسیم کے بعد ایک شریک نے اپنا حصہ گواہوں کی موجودگی میں  مدرسہ کےلیے وقف کیا ۔ دوسرا شریک مختلف بہانے بناکراسے تنگ کرتا ہے کہ یہ مشترک جگہ ہے، کیونکہ یہ ہمارے دادا کی ہے،لہذا وقف صحیح نہیں ہے۔کیامذکورہ صورت میں وقف صحیح ہے؟ اور مدرسہ بنانا ٹھیک ہے؟

وضاحت ازسائل :یہ  جگہ  دو ورثہ کو میراث میں ملی تھی اور اس کی باقاعدہ تقسیم ہوئی تھی۔محض رشتہ کی بنیادپر(کہ ہم ایک دادا کی آولاد ہیں)ایک وارث اس کو مشترک کہہ کر رکاوٹ ڈال رہاہے۔

اَلجَوَابْ بِاسْمِ مُلْہِمِ الصَّوَابْ

مذکورہ صورت میں  تقسیمِ میراث کےبعد جب ایک وارث نے اپنی ملکیت اور اپنا حصہ مدرسہ کےلیے وقف کیا،تو وقف صحیح ہےاوراس میں مدرسہ بنانا   لازم ہے۔اسےکسی اور کام میں استعمال کرنا جائز نہیں ۔

قال العلامۃ الحصکفي رحمہ اللہ:فإذا تم ولزم ،لا يملك ولا يملك ولا يعار ولا يرهن.(الدرمع الرد:(351/4

قال العلامۃ بدر الدين العينى رحمہ اللہ: وإذا صح خرج من ملك الواقف، ولم يدخل في ملك الموقوف عليه؛ لأنه لو دخل في ملك الموقوف عليه، لا يتوقف عليه، بل ينفذ بيعه كسائر أملاكه، ولأنه لو ملكه لما انتقل عنه بشرط المالك الأول، كسائر أملاكه.البناية شرح الهداية:(431/7