سوال

حالتِ احرام میں خوشبو کا استعمال ممنوع ہے، تو کیا کھانے پینے کی اشیاء میں خوشبو (جیسے فلیورڈ جوس، ٹھنڈے مشروبات، او آر ایس وغیرہ) کے استعمال کا بھی یہی حکم ہے؟

اَلجَوَابْ بِاسْمِ مُلْہِمِ الصَّوَابْ

کھانے پینے   کی مذکورہ   اشیاء کا استعمال بحالت احرام جائز ہے، کیونکہ ان میں مہک پیدا کرنے کیلئے جو فلیور یا ایسنس(Essence) ملایاجاتا ہے ،اسے نہ عرفا خوشبو سمجھا جاتا ہے ،نہ ہی خوشبو کے حصول کیلئے ان کو استعمال کیا جاتا ہے۔

یہی تصریح جامعہ دار العلوم کراچی سے صادر فتوی میں  بھی مذکور  ہے:

’’سوال میں جن مشروبات (جوس،کولڈڈرنکس جیسے پیپسی،فانٹا وغیرہ) کاذکر کیا گیا ہے،حالت حرام میں ان مشروبات کا پینا جائز ہے،کیونکہ ان مشروبات میں  مہک پیدا کرنے کیلئے جو فلیور اور  ایسنس (essence) ڈالے جاتے ہیں، انہیں نہ عرفا خوشبو سمجھا جاتا ہے،اور نہ ہی ان کے استعمال کے وقت  خوشبو محسوس ہوتی ہے،اور نہ خوشبو کے حصول کیلئے یہ چیزیں استعمال کی جاتی ہیں،بلکہ ان مشروبات  میں ہلکی سے مہک پیدا ہوجاتی ہے۔‘‘(ازتبویب جامعہ دار العلوم کراچی:23/2046)

حاشية ابن عابدين = رد المحتار ط الحلبي (2/ 547):

وإن ‌خلط ‌بمشروب فالحكم فيه للطيب سواء غلب غيره أم لا غير أنه في غلبة الطيب يجب الدم، وفي غلبة الغير تجب الصدقة إلا أن يشرب مرارا فيجب الدم.