سوال

میرا سوال ہے کہ اگر کوئی لڑکا شیعہ مسلک سے تعلق رکھتا تھا، وہ سچے اور صدق دل سے اللہ کی رضا کے لیے تبدیل ہو کر اہل السنت والجماعت سے ہوگیا ہے اورتبدیل ہوئے ٹائم ہو گیا کیا اب  ان سے نکاح جائز ہے؟

وضاحت: لڑکے کو سنی ہوئے پانچ سال کا عرصہ گزر چکا ہے، البتہ لڑکے کے علاوہ اس کے والدین سمیت خاندان والے سب لوگ شیعہ مسلک سے ہی تعلق رکھتے ہیں اور لڑکا اپنے والدین کے ساتھ ہی رہتا ہے۔

اَلجَوَابْ بِاسْمِ مُلْہِمِ الصَّوَابْ

سوال میں ذکر کی گئی تفصیل کے مطابق اگر واقعتاً لڑکا صدقِ دل سے اہل السنہ والجماعہ کے عقائد اختیار کر چکا ہے اور اس نے  شیعہ مسلک کے عقائد و اعمال مکمل طور پر چھوڑ دیے ہیں تو اس صورت میں سنی لڑکی کا ایسے لڑکے سے نکاح کرنا درست ہے۔ لیکن اگر لڑکا نکاح کی خاطر صرف ظاہری طور پر مسلمان ہوا ہے اور اس کے دل میں عقائد شیعہ والے ہی ہیں تو اس صورت میں حکم بدل جائے گا، جس کی تفصیل ذکر کرکے دارالافتاء سے دوبارہ سوال پوچھا جا سکتا ہے۔

بدائع الصنائع في ترتيب الشرائع (2/ 271) الناشر: دار الكتب العلمية،بيروت:

ومنها إسلام الرجل إذا كانت المرأة مسلمة فلا يجوز إنكاح المؤمنة الكافر؛ لقوله تعالى: {ولا تنكحوا المشركين حتى يؤمنوا} [البقرة: 221] ولأن في إنكاح المؤمنة الكافر خوف وقوع المؤمنة في الكفر؛ لأن الزوج يدعوها إلى دينه، والنساء في العادات يتبعن الرجال فيما يؤثرون من الأفعال ويقلدونهم في الدين إليه وقعت الإشارة في آخر الآية بقوله عز وجل: {أولئك يدعون إلى النار} [البقرة: 221] لأنهم يدعون المؤمنات إلى الكفر، والدعاء إلى الكفر دعاء إلى النار؛ لأن الكفر يوجب النار، فكان نكاح الكافر المسلمة سببا داعيا إلى الحرام فكان حراما.