سوال

 سورۂ ملک کی آخری آیت میں لفظ (غَوْرًا) کے بعد وقف کی کوئی علامت موجود نہیں۔ کیا تلاوت کے دوران اس لفظ پر وقف کرنا یا اسے ملا کر پڑھنا دونوں درست ہیں؟ اس کی تجویدی وضاحت فرمائیں۔

اَلجَوَابْ بِاسْمِ مُلْہِمِ الصَّوَابْ

سورۂ ملک کی آخری آیت)قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَنْ يَأْتِيكُمْ بِمَاءٍ مَعِينٍ(میں لفظ )غَوْرًا( پر تجوید اور معنی کے اعتبار سے وصل (ملا کر پڑھنا) بہتر ہے۔

اس کی وجہ یہ ہے کہ )إِنْ أَصْبَحَ مَاؤُكُمْ غَوْرًا(جملۂ شرط ہے اور )فَمَنْ يَأْتِيكُمْ بِمَاءٍ مَعِينٍ(اس کا جوابِ شرط ہے۔ اس لیے کلام کا مفہوم اور ربط برقرار رکھنے کے لیے اسے ملا کر پڑھنا اولیٰ ہے۔

البتہ اگر سانس ختم ہو جائے یا کسی ضرورت کی بنا پر )غَوْرًا( پر وقف کرنا پڑے تو یہ بھی جائز ہے۔ اس سے نہ تلاوت میں کوئی خرابی آتی ہے اور نہ نماز میں، بشرطیکہ بعد میں وہیں سے یا آگے مناسب طریقے سے تلاوت جاری کی جائے۔