سوال

کیا فرماتے ہیں علمائے دین کہ ایک شخص کمانے والا اکیلا ہے اور اس کی اولاد دینی مدارس میں مصروف تعلیم ہے ۔وہ ٹھیکے پر فصل  کاشت کرتا  ہے۔ اس  صورت ِحال میں درج ذیل سوالات کے جوابات درکار ہیں ۔

1 ۔کیا ایسا شخص فصل کی آمدنی سے عشر  کی تملیک  کر کے اپنی اولاد کو دے سکتا ہے ؟2۔یا تملیک  کیے بغیر بھی دے سکتا ہے ،کیونکہ اس کی اولاد  دینی تعلیم میں مصروف ہے؟

اَلجَوَابْ بِاسْمِ مُلْہِمِ الصَّوَابْ

1۔ صورت مسئولہ  میں بغیر مجبوری اور ضرورت کے حیلہ تملیک کرنا جائز نہیں ۔تاہم اگرشدید ضرورت ہواور مالی وسعت نہ ہو ،تو عشر کی رقم    ایسے شخص کو دی جائے  جو صاحب نصاب نہ ہو  اور اسے رقم کا مکمل      مالک بنادیا جائے ۔ اس سے  عشر ادا ہوجائے گا ۔بعد میں    اگر وہ    شخص اپنی مرضی  سے  یا کسی کی ترغیب سے یہ رقم   عشر ادا کرنے والے کی   اولاد  کو دے دے،  تو   ان کے لیے اس کے   استعمال  کی گنجائش ہوگی  ۔اگر نہ دے تو  اس پر جبر نہیں کیا جا سکتا ۔

2۔تملیک کروائے  بغیر اولاد  کو  عشر کی رقم نہیں دی جاسکتی ۔ اگر  اولاد کو دے دی ،تو عشر ادا نہیں ہوگا  ۔ بلکہ بدستور ذمہ میں باقی  رہے گا ۔

مجمع الأنهر في شرح ملتقى الأبحر (1/ 222):

 (ولا تدفع) الزكاة (لبناء مسجد) ؛ لأن التمليك شرط فيها ولم يوجد وكذا بناء القناطير وإصلاح الطرقات وكري الأنهار والحج والجهاد وكل ما لا يتملك فيه، وإن أريد الصرف إلى هذه الوجوه صرف إلى فقير ثم يأمر بالصرف إليها فيثاب المزكي والفقير ۔ ۔۔۔ الخ

مرقاة المفاتيح شرح مشكاة المصابيح  (4/ 1303):

قال الطيبي: إذا تصدق على المحتاج بشيء ملكه فله أن يهدي به إلى غيره اهـ وهو معنى قول ابن الملك: فيحل التصدق على من حرم عليه بطريق الهدية وهذه هي المسألة الثالثة (متفق عليه) قال ميرك: هذا لفظ مسلم ورواه البخاري مقطعا.

درر الحكام شرح غرر الأحكام» (1/ 189):

 (لا إلى بناء مسجد) أي لا يجوز أن يبني بالزكاة مسجدا؛ لأن التمليك شرط فيها ولم يوجد وكذا بناء القناطير وإصلاح الطرقات وكري الأنهار والحج والجهاد وكل ما لا تمليك فيه.