سوال

2۔میں نےمعاہدہ کرتے وقت قرآنِ مجید پر ہاتھ رکھ کر یہ قسم اٹھائی تھی کہ محسن کو تین سال تک ہر ماہ 3,800 امریکی ڈالر ادا کرتا رہوں گا، خواہ کمپنی کو نقصان ہو یا بند ہو جائے۔ تو کیا ایسی صورت میں قسم توڑ سکتا ہوں ؟جبکہ کمپنی بھی بند ہوچکی ہے  یا اس قسم کو پورا کرنا لازم ہے؟

اَلجَوَابْ بِاسْمِ مُلْہِمِ الصَّوَابْ

چونکہ یہ معاہدہ شرعاً ملازمت کا فاسد معاملہ  ہے، اور اس پر عمل کرنے کی صورت میں آپ کو شدید مالی نقصان اٹھانا پڑ رہا ہے، اس لیے اس قسم پر قائم رہنا آپ پر لازم نہیں۔ ایسی صورت میں آپ قسم توڑ سکتے ہیں؛کیونکہ شریعت کسی شخص کو غیر معمولی نقصان برداشت کرنے کا مکلف نہیں بناتی۔

البتہ قسم توڑنے کی صورت میں کفارۂ قسم ادا کرنا لازم ہوگا، یعنی دس مسکینوں کو دووقت کا کھانا کھلایا جائے یا دس مسکینوں میں سے ہر ایک کو صدقۃ الفطر کے بقدر گندم (سوا دو كلو)یا اس کی قیمت دے دے،  یا دس فقیروں کو  ایک ایک جوڑا کپڑا دےدےاور اگر  کوئی  شخص   نہ  کھانا کھلا سکتا ہے اور نہ کپڑا دے سکتا ہے تو وه مسلسل تین روزے رکھے ۔

(حاشية ابن عابدين = رد المحتار ط الحلبي:3/ 725):

 (وكفارته) ........(‌تحرير ‌رقبة أو إطعام عشرة مساكين) .......(أو كسوتهم بما) يصلح للأوساط وينتفع به فوق ثلاثة أشهر، و (يستر عامة البدن) .......(وإن عجز عنها) كلها (وقت الأداء) ....(صام ثلاثة أيام ولاء).