سوال

پینشن میں وراثت جاری ہوگی یا نہیں؟

اَلجَوَابْ بِاسْمِ مُلْہِمِ الصَّوَابْ

پینشن کی جو رقم مرحوم کی زندگی میں اس کے قبضہ یا اکاؤنٹ میں آجائےیا کم از کم وہ اس کے مطالبہ کا قانوناحق داربن چکا ہو تووہ اس کی ملکیت ہے، اور اس میں وراثت جاری ہوگی  ،لیکن جو رقم نہ تو قبضہ میں آئی اور نہ ہی اس کے نام اکاؤنٹ میں جمع ومنتقل ہوئی  اور نہ ہی اپنی زندگی میں اس کا ضابطہ کی مطابق حقدار بنا ہووہ اس کا مالک نہیں ہو، لہذا اس میں ورواثت جاری نہ ہوگی، بلکہ وہ حکومت کی صوابدید پر ہے، مرحوم کے  پسماندگان مثلا بیوی وغیرہ جس کو چاہے دے سکتی ہے، جس کو ملے وہی اس کا مالک ہے اس میں دیگر ورثہ کا کوئی حق نہیں۔(احسن الفتاوی:ج۹،ص۳۰۱)

حوالہ جات

۔۔۔۔

نواب الدین

دار الافتاء جامعۃ الرشید کراچی

۱۸شعبان۱۴۴۳ھ

واللہ سبحانہ وتعالی اعلم