سوال

ایک مطلقہ عورت اپنے بچے کے والد کے نام کی جگہ ولدیت کے خانہ میں بچے کے نانا کا نام بطور والد لکھنا چاہتی ہے، کیا اس کے لیے ایسا کرنا درست ہے؟دلیل کے ساتھ جواب عنایت فرمائیں۔

اَلجَوَابْ بِاسْمِ مُلْہِمِ الصَّوَابْ

قرآن مجید میں اللہ تعالی کے ارشاد آیت نمبر۲۳۳ سورہ بقرہ {وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ} [البقرة: 233] کی رو سے بچہ کی نسبت والد ہی کی طرف کی جائے گی اور بچہ باپ ہی کاہوتا ہے،اسی طرح سورہ احزاب کی آیت  نمبر۵ {ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ } [الأحزاب: 5] کی رو سے کسی بھی فرد کی نسبت اس کے حقیقی باپ ہی کی طرف کی جائے گی،اس  کے علاوہ کسی دوسرے کی طرف اس طرح نسبت کرنا جس سے اس بچے کی ولدیت کی شناخت متاثر ہومنع ہے۔لہذا والد کے نام کے خانہ میں نانا کا نام بطور والد لکھنا شرعا ،اخلاقا وقانونا کسی بھی طرح درست نہیں۔

حوالہ جات

۔۔۔۔۔۔۔

نواب الدین

دار الافتاء جامعۃ الرشید کراچی

۱۹جمادی الاولی ۱۴۴۲ھ

واللہ سبحانہ وتعالی اعلم