سوال

کیافرماتے ہیں  علماء کرام اس مسئلہ کے بارے میں  کہ ہمارے   محلہ میں  پرچون کی دکان ہے، اس  میں نقد خریداری پر  الگ  قیمت ہوتی ہے  ادھار  پر الگ  قیمت   وصول کی  جاتی ہے ،کیا از روئے  شرع  یہ درست ہے؟

اَلجَوَابْ بِاسْمِ مُلْہِمِ الصَّوَابْ

ادھار پرمال کی  خریداری کے  عام معاملات میں  معاملہ  کے وقت   گاہک  کو مال  کی  قیمت  کاعلم  ہوجانا  بھی ضروری ہے ، اور ادھار کی  مدت کاطے کرنابھی   ضروری ہے ،پھر قیمت چاہے  زبانی   بتادی جائے  یا خریدی جانے  والی  چیز  کا نام  اور  قیمت  لکھ  کر  ان کو  دی جائے،گاہک  کو  پیشگی بتائے بغیر  اپنی  مرضی سے  سامان  کی قیمت  لگا لینا جائز  نہیں ہے ۔ البتہ کھاتے  کی صورت میں جہاں یہ طے  ہوتا ہے  کہ گاہک  مہینہ  کے آخر  میں  ادائیگی  کرے گا  حکم  اگرچہ  کچھ مختلف  فیہ  ہے  تاہم  وہاں  بھی دکاندار کے لئے  گاہک  کو بتائے بغیر قیمت  میں اضافہ جائز نہیں ۔

حوالہ جات

سنن الترمذي (2/ 350)

عن أبى هريرة ، قال : (نهى رسول الله صلی الله عليه وسلم عن بيعتين في بيعة) . وفي الباب عن عبد الله ابن

عمرو وابن عمر وابن مسعود . حديث أبى هريرة حديث حسن صحيح ، والعمل على هذا عند أهل العلم وقد فسر بعض أهل العلم ، قالوا : بيعتين في بيعة ، أن يقول أبيعك هذا الثوب بنقد بعشرة ، وبنسيئة بعشرين ، ولا يفارقه على أحد البيعين ، فإذا فارقه على أحدهما ، فلا بأس إذا كانت العقدة على واحد منهما .

احسان اللہ شائق عفا اللہ عنہ    

       دارالافتاء جامعة الرشید    کراچی

۲۵ جمادی الثانیہ  ١۴۴۰ھ

واللہ سبحانہ وتعالی اعلم