مجھے میرے دفتر میں ایک دوست نے تنخواہ کا لفافہ دیا اور کہا کہ یہ تنخواہ کا لفافہ ہے،اس میں میری تنخواہ ہے،تم امانت رکھ لو،مہربانی ہوگی۔میں نے دوستی کی خاطر رکھ لیا ،اس نے کہا کہ گھر جاتے ہوئے میں تم سے لے جاؤں گا،اتفاق سے جب وہ لینے آیا تو مجھ سے بھول گیا کہ میں نے اس کا لفافہ کہاں رکھا تھا،مگر کچھ دیر سوچنے کے بعد یاد آگیا کہ وہ لفافہ میں اپنے ساتھ بیسن پر ہاتھ دھوتے ہوئے ساتھ لے گیا تھا،وہاں رکھا تھا پھر واپسی میں اٹھانا بھول گیا،اب جیسے ہی یاد آیا میں بلاکسی تاخیر کے فوراً بیسن کی طرف گیا مگر وہاں لفافہ موجود نہیں تھا،سوال یہ ہے کہ کیا میں اس کی تنخواہ کا ضامن ہوں گا؟حالانکہ میرا مقصد فقط دوستی کی وجہ سے اس کی امانت رکھنا تھا،خدا گواہ ہے کہ اور کوئی مقصد نہیں تھا۔
اَلجَوَابْ بِاسْمِ مُلْہِمِ الصَّوَابْ
سوال میں مذکور صورت کے مطابق آپ اس کی تنخواہ کے ضامن ہوں گے،اس لیے کہ امانت کوکسی جگہ رکھ کر بھول جانا،یہ عذر امانت میں معتبر نہیں ہےخواہ امانت رکھنے کا مقصد کچھ بھی ہو۔
حوالہ جات
مجمع الضمانات (ص: 70)
ولو قال: وضعت الوديعة بين يدي في مكان ثم قمت ونسيتها أو قال: سقطت مني قال الفقيه أبو بكر البلخي: يضمن.
المحيط البرهاني في الفقه النعماني (5/ 532)
وفي «فتاوى أبي الليث» ولو أن المودع (127أ2) قال: وضعت الوديعة من يدي، فقمت ونسيتها فضاعت يضمن؛ لأن نسيانه تضييع.
