021-36880325,0321-2560445

بِسْمِ اللَّـهِ الرَّحْمَـٰنِ الرَّحِيمِ

ask@almuftionline.com
AlmuftiName
فَسْئَلُوْٓا اَہْلَ الذِّکْرِ اِنْ کُنْتُمْ لاَ تَعْلَمُوْنَ
ALmufti12
بارہ ربیع الاول کو عرس منانے کاحکم
61098 سنت کا بیان (بدعات اور رسومات کا بیان)متفرّق مسائل

سوال

١۔ہمارا تعلق دیوبند مسلک سے ہے ، اور ہمارے گاؤں میں عرصہ دراز سے یہ چلا آرہا ہے کہ 12 ربیع الاول کو عرس کا اہتمام کیاجاتا ہے ، جس کو بارہ وفات کے نام سے تعبیر کیا جاتا ہے ،آپ یہ بتائیں کہ ایسا کرنا درست ہے یا نہیں ،وہ لنگر کھانا حلال ہے یا حرام ؟

اَلجَوَابْ بِاسْمِ مُلْہِمِ الصَّوَابْ

1۔رسول اللہ صلی اللہ علیہ وسلم سے محبت کرنا ،یہ ہمارے ایمان کا جز ءہے ، ایمان اس کے بغیر مکمل ہی نہیں ہوسکتا ہے ، دل سے محبت ہو قول وفعل سے اس کا اظہار ہونا چاہئے ،اس کا طریقہ یہ ہے کہ ہم زندگی کے تمام امور میں نبی کریم صلی اللہ علیہ وسلم کی سنت معلوم کرکے اس پر عمل کریں ۔ خاص بارہ 12 ربیع الاول کا دن متعین کرکے عرس منانا ، لنگر کا اہتمام کرنا ،یہ عمل خود نبی کریم صلی اللہ علیہ وسلم ،حضرات صحابہ ،تابعین اور ائمہ دین رحمہم اللہ سے ثابت نہیں ہے ، لہذا اس طرح کا عمل سنت سمجھکرکرنا بدعت کے زمرے میں داخل ہونے کی وجہ سے ناجائز اوراس سے احتراز کرنا لازم ہے ۔
حوالہ جات
۔
..
واللہ سبحانہ وتعالی اعلم

مجیب

احسان اللہ شائق صاحب

مفتیان

آفتاب احمد صاحب / سیّد عابد شاہ صاحب