سوال:کیا فرماتے ہیں مفتیانِ کرام اس مسئلے کے بارے میں کہ آمدن پر یہ ٹیکس اسلامی ٹیکس ہے،اگر نہیں تو اسلامی ٹیکس کیا ہے زکاة کے علاوہ؟
اَلجَوَابْ بِاسْمِ مُلْہِمِ الصَّوَابْ
جیسا کہ پہلے سوال کے ضمن میں یہ بات تفصیل ذکر کی گئی کہ شریعت کی طرف سے بیت المال کی آمدنی کے لیےمخصوص ذرائع مقرر ہیں جو زکاة،عشر،خراج،جزیہ،مال غنیمت ،مال فیئ اور گمشدہ اموال ہیں،ان کے علاوہ عام حالات میں حکومت کوعوام پر کوئی ٹیکس کاکوئی تصورنہیں،البتہ مخصوص حالات میں جب مذکورہ ذرائع سے عوامی ضروریات اور حکومتی مصالح پورے نہ ہورہے ہوں تو حکومت عوام پر ٹیکس لاگو کرسکتی ہے،پھر اگر اس ٹیکس کو لاگو کرنے میں پہلے سوال میں ذکر کی گئی شرائط کی رعایت رکھی جائے تو وہ شرعا جائز ہوگا،ورنہ نہیں۔
