حوالہ نمبر:6067/39 فتویٰ نمبر: /57 سائل: مجیب: عبداللطیف
مفتی : ابو لبابہ شاہ منصور مفتی:شہبازعلی مفتی: مفتی:
کتاب: نمازکابیان باب: نماز کےمتفرق مسائل تاریخ: 2018-08-27
ایک مسئلہ عرض ہےکہ جولوگ بلاعذرگھروں میں نمازاداکرتےہیں،ان کےبارےمیں احادیث میں کیااحکام ہیں؟وضاحت فرمادیں۔
o
اَلجَوَابْ بِاسْمِ مُلْہِمِ الصَّوَابْ
باجماعت نمازپڑھنےکی احادیث میں بہت تاکیدآئی ہےاوربلاعذراس کاچھوڑناگناہ ہے۔ترکِ جماعت کاعادی ہونا فسق ہےاوراحادیث میں ایسےعادی شخص پربہت سخت وعیدیں واردہیں۔صحابہ کرام ایسےشخص کومنافق سمجھتے تھے جوجماعت میں شریک نہیں ہوتا تھا۔
حضرت ابوہریرہ رضی اللہ عنہ سےمروی ہے کہ رسول اللہﷺنےفرمایاکہ میرے جی میں آتاہےکہ میں مؤذن کو حکم دوں کہ وہ جماعت کےلیےاقامت کہے،پھرمیں کسی شخص کوحکم دوں کہ وہ(میری جگہ)لوگوں کو نماز پڑھائے ۔ پھرمیں چندلوگوں کےساتھ لکڑیاں لےکران لوگوں کےپاس جاؤں جوجماعت کےلیے گھروں سے نہیں نکلتےاوران کےگھروں کوآگ لگادوں۔
حضرت ابوہریرہ رضی اللہ عنہ سےروایت ہے کہ رسول اللہﷺ نےفرمایااگرگھروں میں عورتیں اوربچےنہ ہوتےتومیں عشاء کی نمازکھڑی کرتااوراپنےجوانوں کوحکم دیتاکہ وہ گھروں کوآگ لگادیں۔
حضرت اسامہ بن زیدرضی اللہ عنہ سےمروی ہے کہ رسول اللہﷺ نےفرمایاکہ لوگوں کوچاہیےکہ وہ جماعت کی نماز چھوڑنے سے بازآجائیں،نہیں تومیں ان کےگھروں میں آگ لگادوں گا۔
حضرت ابن عباس رضی اللہ عنہ سےروایت ہے کہ رسول اللہﷺ نےفرمایاجوشخص مؤذن کی آواز سنےاوراس کی تابعداری کرنے سے(یعنی جماعت میں شریک ہونےسے)کوئی عذراس کےلیےمانع نہ ہو(اوراس کےباوجودوہ باجماعت نمازنہ پڑھے،بلکہ الگ ہی اپنی نماز پڑھ لے)تواس کی وہ نمازاللہ کےہاں قبول نہیں ہوگی۔بعض صحابہ رضی اللہ عنہم نے عرض کیاکہ وہ عذرکیاہوسکتاہے؟آپﷺ نےارشادفرمایاکہ (جان ومال کا)خوف یا مرض۔
حضرت عبداللہ بن مسعودرضی اللہ عنہ فرماتےہیں کہ ہماراحال تویہ تھاکہ کوئی جماعت سےپیچھے نہیں رہتامگروہ شخص جوکھلم کھلا منافق ہوتایابیمارہوتا،اگرکوئی مریض دوآدمیوں کےسہارےجماعت میں حاضرہوسکتاتووہ بھی شریک ہوتا۔
حوالہ جات
عن أبي هريرة عن النبي صلى الله عليه وسلم قال: لقد هممت أن آمر بالصلاة ،فتقام ثم أخالف إلى منازل قوم لا يشهدون الصلاة ،فأحرق عليهم. (صحيح البخاري :3/ 122)
عن أبى هريرة قال: قال رسول الله صلى الله عليه وسلم:« لقد هممت أن آمر بالصلاة ،فتقام ثم آمر رجلا ،فيصلى بالناس ثم أنطلق معى برجال، معهم حزم من حطب إلى قوم لا يشهدون الصلاة، فأحرق عليهم بيوتهم بالنار ».(سنن أبي داود :1/ 214)
عن أبى هريرة قال :قال رسول الله صلى الله عليه وسلم: لولا ما في البيوت من النساء والذرية لأقمت صلاة العشاء ،وأمرت فتياني يحرقون ما في البيوت بالنار. (مسند أحمد :4/ 240)
عن أسامة بن زيد قال: قال رسول الله صلى الله عليه و سلم 🙁 لينتهين رجال عن ترك الجماعة أو لأحرقن بيوتهم ). (سنن ابن ماجه :1/ 260)
عن ابن عباس قال :قال رسول الله صلى الله عليه وسلم:« من سمع المنادى، فلم يمنعه من اتباعه عذر ». قالوا :وما العذر؟ قال :خوف أو مرض. « لم تقبل منه الصلاة التى صلى ».(سنن أبي داود:1/ 216)
عن أبى الأحوص قال: قال عبد الله: لقد رأيتنا، وما يتخلف عن الصلاة إلا منافق قد علم نفاقه أو مريض، إن كان المريض ليمشى بين رجلين حتى يأتى الصلاة. (صحيح مسلم:2/ 124)
