تقریباً پچیس سال سے ایک وقف زمین پر اسکول بنایا گیا تھا جبکہ وہ زمین مدرسہ کے لیے وقف تھی۔اس وقت تو تمام اہل محلہ کے اتفاق سے اسکول بنایا گیا لیکن ابھی تنازع کھڑا ہو گیا کہ ہم اس جگہ اس اسکول کو نہیں چھوڑتے ہیں۔شرعاً اس اسکول کا کیا حکم ہے ،اس کو اسی حالت پر چھوڑا جائے یا منہدم کر کے وقف کی زمین مدرسہ بنانے کے لیے پیش کی جائے؟
اَلجَوَابْ بِاسْمِ مُلْہِمِ الصَّوَابْ
اگر واقف نے زمین مدرسہ کے لیے وقف کی ہو تو اس صورت میں یہ زمین مدرسہ کی ہی رہے گی،واقف کی اجازت کے بغیر اس پر اسکول بنانا درست نہیں ہے۔باقی اگرعمارت مدرسہ کے استعمال میں لائی جاسکتی ہو تو اسے منہدم کرنے کی ضرورت نہیں ، اسی عمارت کو مدرسہ کے لیے استعمال میں لایا جائے۔
حوالہ جات
الدر المختار وحاشية ابن عابدين (رد المحتار) (4/ 366)
شرط الواقف كنص الشارع أي في المفهوم والدلالة، ووجوب العمل به