سوال

ہمارے علاقہ میں ایک مالدار آدمی نے ایک مولوی صاحب کو کچھ زمین مدرسہ اور مسجد بنانے کے لیے دی جس پر مولوی صاحب نے مسجد ومدرسہ تعمیر کروادیا، لیکن تعمیر کے دوران معلوم ہوا کہ جہاں عمارت کھڑی کی جارہی ہے وہ زمین ایک قبرستان ہے ، جس سے تعمیراتی کام کے دروان کچھ ہڈیاں بھی سامنے آئی تھیں،جب گاؤں کے بزرگ حضرات سے پوچھا گیا تو انہوں نے بتایا کہ یہاں تقریبا سو/100 سال پہلے قبرستان تھا تو اب اس مسجد ومدرسہ کا کیاکیا جائے اور جو نمازیں اس میں پڑھیں گئیں ہیں، ان کا کیا حکم ہے؟

نوٹ یہ زمین تعمیر سے پہلے بطور کھیت استعمال ہوتی تھی۔

اَلجَوَابْ بِاسْمِ مُلْہِمِ الصَّوَابْ

ایسا قدیم قبرستان جس کے آثار مٹ چکے ہوں اس پر مسجدو مدرسہ بنانا جائز ہے، اور نماز پڑھنا بھی درست ہے۔ البتہ دوران تعمیرمردوں کی جو باقیات دریافت ہوں انہیں کسی قریبی قبرستان میں دفنا دینا چاہئے۔

حوالہ جات

۔۔۔۔۔۔

نواب الدین

دار الافتاء جامعۃ الرشید کراچی

۳محرم ۱۴۴۲ھ

واللہ سبحانہ وتعالی اعلم