سوال

امام کے پیچھے نماز میں دیر سے شامل ہونے پر امام کے سلام پھیرنے کے بعد ہم کھڑے ہو جاتے ہیں تو سورۃ فاتحہ کے بعد جو دوسری سورۃ امام نے پڑھی تھی، کیا اس سے پہلے والی سورۃ پڑھیں گے یا بعد والی؟

اَلجَوَابْ بِاسْمِ مُلْہِمِ الصَّوَابْ

مقتدی اپنی رہ جانی والی رکعتوں میں امام کے تابع نہیں ہوتا، وہ کوئی بھی سورۃ پڑھ سکتا ہے۔ البتہ اگر مقتدی دو رکعتوں میں مسبوق ہو تو جب وہ امام کے سلام پھیرنے کے بعد اٹھ کر یہ دو رکعات ادا کرے گا تو ان میں سورتوں کی ترتیب کا لحاظ رکھنا ضروری ہوگا۔

حوالہ جات

الدر المختار شرح تنوير الأبصار وجامع البحار (ص: 81)

(والمسبوق من سبقه الامام بها أو ببعضها وهو منفرد) حتى يثني ويتعوذ ويقرأ، وإن قرأ مع الامام لعدم الاعتداد بها لكراهتها. مفتاح السعادة (فيما يقضيه) أي بعد متابعته لامامه، فلو قبلها فالاظهر الفساد، ويقضي أول صلاته في حق قراءة، وآخرها في حق تشهد الخ

ناصر خان مندوخیل

دارالافتاء جامعۃالرشید کراچی

2/08/1442 ھ

واللہ سبحانہ وتعالی اعلم