سوال

رمضان میں اکثر کارڈ وغیرہ بانٹے جاتے ہیں جن میں مختلف نوافل کا طریقہ لکھا ہوتا ہےکہ پہلی رکعت میں پچاس مرتبہ سورۃ اخلاص، دوسری رکعت میں سات مرتبہ سورۃ قدر، اسی طرح کئی اور نوافل کا طریقہ بھی لکھا ہوتا ہے کہ ان کے پڑھنے سے بے انتہا ثواب ملتا ہےوغیرہ۔ اس طرح کے نوافل کی کیا حقیقت ہے؟ کیا یہ احادیث وغیرہ سے ثابت ہے؟

اَلجَوَابْ بِاسْمِ مُلْہِمِ الصَّوَابْ

ایسی روایات و قصص جو عموماً سوشل میڈیا وغیرہ پر گردش کرتے رہتے ہیں یا کارڈز کی صورت میں تقسیم ہوتے رہتے ہیں، یہ عموما من گھڑت ہوتے ہیں اور ان کی کوئی حقیقت نہیں ہوتی۔ لہذا تحقیق کیے بغیر ایسی باتوں پر یقین نہیں کرنا چاہیے۔ باقی کسی مخصوص نماز وغیرہ کے حتمی حکم کے لیے متعلقہ کارڈ وغیرہ دارالافتاء  بھیج کر دوبارہ معلوم کر لیا جائے۔

حوالہ جات

-

ناصر خان مندوخیل

دارالافتاء جامعۃالرشید کراچی

2/08/1442 ھ

واللہ سبحانہ وتعالی اعلم