سوال

زوہان نام کا کیا معنی ہے ؟ اور یہ نام دراصل زوہان ہے یا زوحان ہے ؟ دونوں کے معنی مطلوب ہیں؟ کیا زوہان یا زوحان نام کا رکھنا صحیح ہے ؟انٹرنیٹ پر کہیں زوہان اور کہیں پر زوحان دونوں کے معنی اللہ کا تحفہ بتایا جاتا ہے ۔

اَلجَوَابْ بِاسْمِ مُلْہِمِ الصَّوَابْ

بچوں کا نام رکھنے کے حوالے سے یہ بات ذہن میں رہے کہ بچوں کا نام انبیاء و صحابہ کرام کے نام پر رکھنا بہتر ہے ۔ یا پھر ایسا نام رکھا جائے جس کا معنی اچھا ہو ۔

زوہان نام باوجود تلاش و تتبع کے اردو و عربی کی لغات میں نہیں ملا ، البتہ لفظ زوحان عربی زبان کا لفظ ہے ، جس کا معنی ہے " ہٹنا یا الگ ہونا " ۔عربی زبان میں ایک جملہ استعمال ہوتا ہے " زاح عن بیتہ " ( وہ اپنے گھر سے دور ہوا ) ۔ بہتر یہ ہے کہ یہ نام نہ رکھا جائے ۔ کوئی دوسرا بہتر معنی والا نام رکھ لیا جائے ۔

حوالہ جات

عبدالدیان اعوان

دارالافتاء جامعۃ الرشید کراچی

24 ذو القعدۃ 1442

واللہ سبحانہ وتعالی اعلم